Bashkimi Evropian ka pësuar zhgënjimin e radhës dhe sigurisht, lidhet, ndonëse jo drejtpërdrejt me Rusinë.
Organizata nuk arriti të marrë një dënim të qartë dhe unanim të pushtimit rus të Ukrainës nga vendet e Amerikës Latine dhe Karaibeve, duke u mjaftuar me një nënshkrim në një dokument simbolik.
Dhe kjo pavarësisht “lumenjve të parave” që rrjedhin nga Brukseli në Amerikën Latine. Me “një shije të hidhur” për Ursula von der Leyen, përfundoi samiti mes BE-së dhe CELAC , Komunitetit të Shteteve të Amerikës Latine dhe Karaibeve, i cili filloi të hënën mes tensioneve të forta.
Përfaqësuesit e 48 vendeve, 15 evropiane dhe 33 amerikano-latin, u takuan në Bruksel.
Të pranishëm ishin krerët e shteteve dhe qeverive, si kryeministri italian Giorgia Meloni. Ndër emrat e mëdhenj ishte presidenti i Brazilit, Inacio Lula da Silva, ndërsa presidentët shumë pro-rus të Nikaraguas dhe Venezuelës, Daniel Ortega dhe Nicolas Maduro, deleguan ministrat.
Vendet europiane, të cilat ofronin 45 miliardë euro investime në të gjithë Amerikën Latine, rrëmbyen firmat me vështirësi vetëm pas një procesi.
Reuters arriti të shihte draftin e dokumentit origjinal, i cili i bënte thirrje BE-së dhe CELAC të bien dakord për “një dënim të luftës së vazhdueshme të Rusisë kundër Ukrainës”, duke iu referuar “rezolutave të OKB-së që dënojnë ashpër agresionin e Federatës Ruse “.
Kjo u refuzua nga latino-amerikanët, kështu që disa pjesë u ndryshuan në versionin përfundimtar.
Që Amerika Latine ka marrëdhënie të mira me Rusinë dhe Kinën, ishte e qartë që në fillim. Është për t’u habitur që kryetarja e Komisionit Europian dhe stafi i saj nuk e kishin parashikuar këtë.
VAZHDO TË LEXOSH MË TEPËR PËR TEMËN
A është kjo një tjetër luftë për naftë?
