12.08.2023 - 09:53
Presidenti serb Aleksandër Vuçiç, ka folur rreth mosmarrëveshjeve me Kosovën dhe situatë në veri, duke akuzuar kryeministrin e Kosovës Albin Kurti se nuk mbështet dialogun dhe paqen për të zgjidhur tensionet mes vendeve.
“Situata në Kosovë është jashtëzakonisht e vështirë. Serbët po joshen, po arrestohen. Ju keni të bëni me një njeri irracional që nuk dëshiron paqe dhe ëndrra e jetës së tij është të dëbojë serbët dhe të bashkojë Kosovën dhe Shqipërinë”, ka thënë Vuçiçi.
Vuçiç shigjetoi edhe ndërkombëtarët, duke thënë se është akuzuar nga Perëndimi, dhe sipas tij nuk ka bërë asgjë tjetër veçse ka mbrojtur popullin serb.
