Tendecat e modës funksionojnë si ora! Pastel në pranverë dhe ngjyra të thella, nuancë më “moody” në vjeshtë, por shpesh ka një ngjyrë të re që na befason në çdo stinë. I tillë është rasti i një nuance të së gjelbrës që nisi të qarkullojë në fillim të këtij viti. Një miks mes ‘kelly green’ dhe ‘chartreuse’ plot gjallëri, ngjyra në fjalë dominoi koleksionin ‘Pranverë 2023’ të Victoria Beckham.
Vetë Beckham e ka veshur këtë fustan, ashtu si Kendall Jenner dhe së fundmi mbretëresha Letizia e Spanjës. Pavarësisht gamës së larmishme të të famshmëve që nxitojnë të veshin fustanin me ngjyrë jeshile, kulti i një veshjeje të vetme nuk është një trend absolut i ngjyrave.
Gjatë gjithë verës, kjo jeshile e pazakontë është veshur në variacione të ndryshme nga të famshmit dhe yjet e stilit. Simone Ashley, aktorja e serialit ‘Bridgerton’ e veshi atë gjatë një eventi, ndërsa Ashley Graham e guxoi me një fustan në nuancën që po flasim.
Ndërkohë, Emily Ratajkowski, Tayshia Adams dhe Jasmine Tookes kishin veshur versione më të hapura të ngjyrës së gjelbër.
Nga historia e modës së lartë deri tek mënyra si ta stiloni vetë ngjyrën në shtëpi, ja gjithçka që kemi mësuar për nuancën e gjelbër që të famshmit nuk ndalojnë së veshuri.
Redaktorja e modës Bella Gerard e sheh këtë nuancë të së gjelbrës, si ngjyrën më të nxehtë dhe më të çuditshme të kësaj vere, njëherësh edhe si trashëgimtare e të gjelbrës luksoze. “Më e guximshme se një jeshile Kelly, por jo aq acid sa një jeshile neoni ose lime, kjo nuancë e gjallë është e përshtatshme për një pamje verore që bie në sy”, thotë Gerard për ‘InStyle’.
Ja edhe disa nga vajzat e famshme shqiptare që kanë zgjedhur të gjelbrën:
VAZHDO TË LEXOSH MË TEPËR PËR TEMËN
5 modelet e fustaneve që do i shohim kudo këtë vit
3 metoda për rroba të bardha si bora!
5 kombinime perfekte për këmishën lino
