Liderët e Ballkanit Perëndimor dhe vendeve anëtare të BE-së të rajonit do të mirëpriten mbrëmjen e së hënës (21 gusht), në orën 20.15 nga Kyriakos Mitsotakis në Megaro Maximos për një darkë informale mbi zgjerimin dhe të ardhmen evropiane të rajonit, me rastin e 20 vjetorit të Samitit BE-Ballkani Perëndimor. Nisma specifike Mitsotakis shënon rolin udhëheqës që luan Greqia si një shtyllë e stabilitetit, paqes dhe sigurisë së energjisë në Ballkan dhe Evropën Juglindore dhe kthimin e saj në Ballkan nga viti 2019.
Ftesës së kryeministrit i janë përgjigjur presidentja e Komisionit Evropian, Ursula von der Leyen dhe presidenti i Këshillit Evropian, Charles Michel.
Në takim do marrin pjesë: Presidenti i Serbisë Aleksandër Vuçiç, i Malit të Zi Jakov Milatovic, kryeministri i Maqedonisë së Veriut Dimitar Kovacevski, i Kosovës Albin Kurti, kryetarja e Këshillit të Ministrave të Bosnjës dhe Hercegovinës Borgiana Christo.
Por, Shqipëria nuk do ketë asnjë përfaqësim, raporton ‘Protothema‘, duke mos dhënë asnjë sqarim më tepër.
VAZHDO TË LEXOSH MË TEPËR PËR TEMËN
‘Të pathënat’ e takimit Xhaçka-Dendias
“Turqia ndërhyri për marrëveshjen e detit me Greqinë”
Greqia ‘zbarkon’ në Shqipëri
