Edhe pse duket sikur vera e sivjetshme nuk ka ndërmend të mbarojë, bëni mirë të filloni që tani me organizimin e gardërobës pasi vjeshta është më afër nga ç’mendoni, e bashkë me të edhe trendet e reja që duhet t’i përqafoni sa më parë. Në fakt, sa herë mendojmë për këtë stinë gjëja e parë që na shkon në mendje është paleta e ngjyrave të kafenjta, fiks si manteli që vesh tokën në këtë periudhë.
Por, jo! Vjeshta e 2023-shit vjen më flakëruese se kurrë, pasi e kuqja është zyrtarisht ngjyra që do të shohim kudo, duke filluar nga xhaketat e lëkurës deri tek akesorët si çantat apo syzet e diellit.
Ngjyra mbizotëruese e thuajse shumicës së pasarelave të vjeshtë-dimër 2023, pritet t’i japë një prekje magjike elegancës dhe sensualitetit tuaj për muajt në vijim.
Për t’u dukur gjithmonë “IN” ekspertët e modës këshillojnë të provoni të gjitha nuancat e parezistueshme të së kuqes nga e purpurta te bordeaux, që e bën look-un tuaj të duket më agresiv dhe gotik.
VAZHDO TË LEXOSH MË TEPËR PËR TEMËN
