Analistja amerikane, Ivana Stradner, përmes një postimi në rrjetet sociale është shprehur se Rusia dhe Serbia po luajnë me Uashingtonin dhe Perëndimin.
Reagmi i Stradner erdhi pas deklaratës së këshilltarit të lartë të Departamentit amerikan të Shtetit, Derek Chollet, i cili ka shkruar në platformën “X” për bisedat që ka pasur me kryeministrin e Kosovës Albin Kurti dhe presidentin e Serbisë, Aleksandër Vuçiç.
Sipas saj, Putin dhe Vuçiç po qeshin me ShBA-në, pasi e dinë se Uashingtoni nuk do të ngrejë gishtin. Ajo ka thënë se Serbia dhe Rusia do të testojnë NATO-n në Ballkan dhe se “dobësia trimëron diktatorët.”
“Moska dhe Beogradi po e luajnë Uashingtonin si ‘fyell’. Putin dhe Vuçiq po qeshin me SHBA-në dhe e dinë se Uashingtoni nuk do të ngrejë as gishtin. Do të shihni më shumë testime të NATO-s në Ballkan. Dobësia trimëron diktatorët”, ka shkruar ajo.
Në orët e para të së dielës së 24 shtatorit, Policia e Kosovës u sulmua nga një grup serbësh duke lënë të vdekur policin Afrim Bunjaku dhe plagosën dy policë të tjerë.
Kujtojmë se Policia e Kosovës ka gjetur arsenal armësh në Manastirin e Banjskës, ku sulmuesit u strehuan.
Autoritetet në Kosovë kanë nxjerrë prova që implikojnë nënkryetarin e Listës Serbe, Milan Radojçiç si udhëheqës të këtij grupi terrorist. Radojiçiç është i sanksionuar edhe nga Shtetet e Bashkuara të Amerikës dhe Britania e Madhe.
VAZHDO TË LEXOSH MË TEPËR PËR TEMËN
Analistët për VOA: Është goditur shoqëria në një pikë ku nuk duron më
A mund t’i rregullojë Turqia marrëdhëniet me Perëndimin?
Britanikët kanë shumë për të mësuar nga kushërinjtë gjermanë!
