Shuma prej 7.5 milionë euro që Barcelona i pagoi Jose Maria Enriquez Negreira, ish-zëvendëspresident i Komitetit Teknik të Gjyqtarëve për 17 vjet thuhet se përbën një krim.
Joaquin Aguirre, kreu i Gjykatës Hetimore numër 1 të Barcelonës, ka akuzuar FC Barcelonën në çështjen Negreira për korrupsion, siç bën me dije El Debate. Një hetim fillon gjithashtu kundër Enríquez Negreira dhe djalit të tij dhe ish-presidentëve të Barçës, Josep María Bartomeu dhe Sandro Rosell për ‘Çështjen Negreira’.
Në urdhrin e tij, gjyqtari Aguirre i atribuon Enríquez Negreira “një krim të vazhdueshëm të ryshfetit pasiv si autor “, djali i tij akuzohet për të njëjtin krim, por “si një bashkëpunëtor i domosdoshëm “, ndërsa Barcelona dhe ish-drejtorët e saj akuzohen “për një krim të vazhdueshëm të ryshfetit aktiv ”, e gjithë kjo “pa paragjykuar ruajtjen e klasifikimit alternativ të krimit të korrupsionit sportiv të nenit 286bis 4 të KP, të paktën gjatë kësaj faze hetimi”.
Këtyre akuzave i është shtuar edhe regjistrimi nga orët e para të mëngjesit të kësaj të enjte në zyrat e Federatës Spanjolle të Futbollit dhe Komitetit Teknik të Gjyqtarëve. “Kushdo që me dispozitë të menjëhershme të ligjit, me zgjedhje ose me emërim të një organi kompetent, merr pjesë në ushtrimin e funksioneve publike, do të konsiderohet zyrtar publik”, thuhet në jurisprudencën e Gjykatës së Lartë.
Siç shpjegohet nga El Confidencial, është “një lloj vepre penale që nuk kërkon vërtetimin e falsifikimit të palëve specifike dhe që parashikon dënime më të rënda sesa krimi i korrupsionit midis individëve që i atribuohej deri më tani”. Klubi katalunas tashmë është i akuzuar për ryshfet.
Rasti Negreira
Barcelona mund të përballet me një dënim ekstrem, si zbritja e pikëve nga La Liga pasi katalanasit akuzohen se i paguan ish-zëvendëspresidentit të Komitetit Teknik të Gjyqtarëve, Jose Maria Enriquez Negreira, 1.4 milionë euro (1.5 milionë dollarë) gjatë kohës që te Barça ishte në krye ish-presidenti Josep Bartomeu. Negreira e mbajti rolin e tij në Federatën e Futbollit Spanjoll nga viti 1994 deri në 2018. Nga viti 2016 deri në 2018, Prokuroria e Barcelonës pretendon se Barca i ka paguar shumën një kompanie që zotëronte Negreira të quajtur DASNIL 95.
Siç shpjegohet nga programi i radios SER Catalunya, Negreira, i cili dikur ishte gjyqtar i La Ligës, mori 532,728.02 € (571,000 dollarë) në 2016, 541,752 € (580,000 dollarë) në 2017 dhe 341,000 dollarë në 2018 përmes DASNIL 95.
Veç këtyre pagesave të faktuara për një periudhë, mediet në Spanjë bëjnë me dije se janë 7.5 milionë euro të paguara nga Barça në drejtim të kompanisë së ish-arbitrit, që thuhet se mund të ketë ndikuar në vendimet e tyre në favor të klubit.
