Premier League e futbollit në Angli është në javën e tetë. Me fillim nga 15:00 u zhvilluan tre ndeshje këtë të diel, të cilat përfunduan në barazim. Brighton dhe Liverpool u ndanë në paqe 2-2, teksa edhe West Ham me Newcastle u ndanë po me këtë rezultat. Në 17:30 luhet Arsenal – Manchester City.
Në “Amex Stadium”, Brighton dhe Liverpool barazuan 2-2 për javën e tetë në Premier League. Ishin vendasit e de Zerbit që kaluan të parët në avantazh me Adingra në minutën e 20-të, ndërsa Salah me dopietë në minutat 40-të dhe 45+1 përmbysi në pjesën e parë për të besuarit e Klopp. Në 45 minutat e dyta ishte Dunk që në të 78′ barazoi gjithçka për 2-2, duke i dhënë nga një pikë skuadrave. Pas humbjes një javë më parë, Liverpool ndalet sërish, teksa me 17 pikë mban vendin e tretë. Brighton me 16 pikë renditet në vendin e gjashtë.
Premier League – java 8-të:
Brighton 2-2 Liverpool
West Ham 2-2 Newcastle
Wolves 1-1 Aston Villa
17:30 Arsenal – Manchester City
