Ndonëse qeveria franceze përgënjeshtroi lajmin se Franca do të pezullojë liberalizimin e vizave për Kosovën, presidenti serb Aleksandër Vuçiç nuk ka nguruar të falenderojë presidentin Emmanuel Macron për masat ndaj Kosovës.
Në një prononcim për mediat e huaja, Vuçiç tha se nuk dëshiron të komentojë masat e marra nga presidenti Macron pasi sipas tij është një vendim i një prej vendeve më të mëdha evropiane. Por Vuçiç nuk ka harruar të falenderojë Macronin për miqësinë që tregon ndaj Serbisë, raporton rts.rs.
“Nuk dua të komentoj. Është vendim i një prej vendeve më të mëdha evropiane. Faleminderit Macron për shumë gjëra të tjera, për miqësinë që tregon ndaj Serbisë. Lidhur me vërejtjen, ai tha se duhet ta dënojmë dhunën në Banjska, këtë e kemi bërë në të njëjtën ditë disa herë, madje ia kam thënë vetë presidentit në takimin në Granada”, tha Vuçiç.
Vuçiç duke folur nga Kina theksoi se është e rëndësishme që Serbia të vazhdojë me përpjekjet e saj për t’i zgjidhur gjërat përmes dialogut.
VAZHDO TË LEXOSH MË TEPËR PËR TEMËN
“Vuçiç më ofendon e shan gjatë takimeve, ndërmjetësit s’e kanë ndaluar as dënuar”
“Së pari të ndalet dhuna dhe të zbatohet marrëveshja bazike”
