Dielli po lind përsëri në këtë pjesë të Lindjes së Mesme… Kanë kaluar dy javë që kur grupi palestinez Hamas filloi një sulm të paprecedentë ndaj Izraelit, duke vrarë më shumë se 1400 njerëz dhe duke marrë peng rreth 200 të tjerë.
Izraeli u përgjigj me sulme ajrore. Zyrtarët palestinezë thonë se më shumë se 4,000 njerëz janë vrarë në Gaza që nga 7 tetori, shkruan BBC.
Gaza mbetet nën rrethim të plotë, teksa Izraeli ka ndërprerë të gjitha furnizimet thelbësore. Udhëheqësit botërorë kanë kërkuar që të hapet vendkalimi Rafah për të lejuar hyrjen e ndihmave shumë të nevojshme nga Egjipti.
Kamionët që presin në vendkalim do të jenë “ndryshimi midis jetës dhe vdekjes”, tha shefi i OKB-së António Guterres. Ndërkohë, lirimi nga Hamasi i dy grave amerikane ka rritur shpresat se mund të lirohen më shumë pengje.
