Edhe një herë, TikTok ka nxitur debate në lidhje me sigurinë ushqimore.
Javët e fundit, një lajm i vitit 2008 u rishfaq në platformën e mediave sociale , duke tmerruar përdoruesit në lidhje me rreziqet e ngrënies së orizit ose makaronave të mbetura. Në TikTok, ai përmendet si “sindroma e orizit të skuqur”.
Botuar fillimisht në Gazetën e Mikrobiologjisë Klinike , historia u fokusua në vdekjen e një studenti me bazë në Bruksel pas konsumimit të një pjate me spageti të përgatitura pesë ditë para.
Kështu që mund t’ju bëjë të pyesni veten: Sa kohë mund të lihet ushqimi në frigorifer.
Çfarë është ‘sindroma e orizit të skuqur’?
Në rastin e studentit nga Brukseli, sëmundja ishte helmimi i shkaktuar nga bakteri Bacillus cereus.
I gjendur në të gjithë mjedisin në formën e tij të fjetur, mikroorganizmi zakonisht nuk shkakton sëmundje, shpjegoi Dr. Ellen Shumaker , një eksperte e sigurisë ushqimore në Karolinën e Veriut.
Organizmi shihet shpesh në tokë dhe ushqim me niseshte (përsëri, si orizi ose makaronat). Sipas Shumaker-it, më së shumti lidhet me orizin e gatuar.
Pasi të jenë gatuar, shpjegoi eksperti, sporet mund të mbijnë, të bëhen aktive dhe të fillojnë të krijojnë toksina. “Ngrënia e toksinës është ajo që i sëmur njerëzit,” tha Shumaker.
Sa kohë mund ta lëmë ushqimin me niseshte në temperaturën e dhomës para se të prishet?
“Rekomandimi i përgjithshëm është që ushqimet e gatuara të lihen në temperaturën e dhomës jo më shumë se dy orë,” vuri në dukje Schaffer. “Nëse ushqimet e gatuara ruhen menjëherë në frigorifer, kjo do të thotë se organizmi nuk do të shumohet në nivele të rrezikshme.”
Pasi të jenë gatuar, sporet e bakterit Bacillus cereus mund të mbijnë në oriz dhe ushqime të tjera me niseshte, duke shkaktuar sëmundje pasi ato janë lënë jashtë në temperaturën e dhomës për t’u shumuar.
Shumë komente përqendrohen në supozimin se qëndrimi në frigorifer i ushqimeve ende të ngrohta mund të ndikojë negativisht te ushqimi. Por, rezulton se kjo nuk është e vërtetë thonë ekspertët.
