Lufta Izrael-Gaza po e merr fokusin e konfliktit në Ukrainë, ka thënë presidenti ukrainas Volodymyr Zelensky, raporton BBC.
Sipas tij, ky është edhe një nga qëllimet e Rusisë, e cila nisi pushtimin e Ukrainës më 2022.
“Është e qartë se lufta në Lindjen e Mesme po ia heq fokusin Ukrainës”, ka thënë Zelensky në një konferencë të përbashkët me Presidenten e Komisionit Evropian, Ursula von der Leyen të shtunën.
Zelensky ka mohuar se luftimet në Ukrainë po kalojnë nëpër një ngërç, pavarësisht vlerësimeve të fundit që i ka dhënë gjenerali më i lartë ushtarak i vendit, Valery Zaluzhny.
“Të gjithë po lodhen dhe ka mendime të ndryshme, por nuk është ngërç”, ka shtuar Zelensky.
Ushtria e Ukrainës ka njoftuar se të shtunën ka goditur me sukses infrastrukturën e detit dhe portit të një fabrike të ndërtimit të anijeve në Krime – gadishulli jugor i Ukrainës i aneksuar ilegalisht nga Rusia në 2014.
VAZHDO TË LEXOSH MË TEPËR PËR TEMËN
Vendoset armëpushimi mes Izraelit dhe Gazës
