Kryeministri i Republikës së Kosovës, Albin Kurti, ndodhet në Paris për Forumin e Paqes ku ka takuar edhe përfaqësuesit e Presidencës së Bosnjë Hercegovinës, me të cilët ka biseduar për rëndësinë e zbatimit të marrëveshjeve nga Procesi i Berlinit.
Gjatë takimit me kryetarin e Presidencës së Bosnjë Hercegovinës, Zhelkjo Komshiç, Kurti ka vënë në pah rëndësinë e zbatimit të plotë të marrëveshjes nga Procesi të Berlinit, atë për lëvizjen e lirë me letërnjoftim
“Faleminderit kryetarit të Presidencës së Bosnjë-Hercegovinës, Zheljko Komshiç dhe anëtarit të Presidencës, Denis Beçiroviç, për një takim produktiv. Diskutuam rëndësinë e zbatimit të plotë të marrëveshjeve të Procesit të Berlinit, veçanërisht asaj për lëvizjen e lirë me letërnjoftim dhe eksploruam bashkëpunimin e mëtejshëm”, shkruan Kurti.
