16.11.2023 - 11:51
Është shtyrë seanca e sotme për ish-ministrin, Fatmir Mediu, për çështjen “Gërdeci.
Sot pritej të dëshmonin disa persona, ndërsa shkak për shtyerjen e seancës është bërë mungesa e dy avokatëve mbrojtës të Mediut.
Seanca e radhës është caktuar në datën 30 nëntor. Kujtojmë që gjykata i caktoi mediut dhe një avokat kryesisht, përkatësisht Artan Simonin.
Në shtator, Mediu kërkoi gjykim të zakonshëm për çështjen, duke hequr dorë nga gjykimi i shkurtuar, çka do të thotë se për Gërdecin do të niste një gjyq nga e para.
Gjykata nuk ka pranuar listën e dëshmitarëve që u paraqitën nga avokatët e Mediut por vetëm dëshmitarët e Prokurorisë.
