A keni dëgjuar për përfitimet pozitive që dushi me ujë të ftohtë sjell në trupin dhe mendjen tuaj?
Përveç nxitjes së qarkullimit të gjakut dhe ndjenjës së entuziazmit, ky zakon ka efekte të tjera në tru.
Studiuesit e University of Cambridge në Mbretërinë e Bashkuar zbuluan se ekspozimi ndaj të ftohtit mund t’ju mbrojë nga sëmundjet që lidhen direkt me trurin, nga depresioni, tek gjendjet e ankthit, dëmtimi i indeve, funksionit të gjymtyrëve etj.
Gjatë gjithë jetës, shumica prej nesh janë rritur me idenë e një dushi të ngrohtë që “ndez” gjithë qelizat e trupit. Por, kur nisni të praktikoni një dush të ftohtë, kjo do guxim sepse mund të shihet si një “tronditje” për gjithë sistemin tonë, nga ai fizik, mendor etj. Njerëzit janë besnikë ndaj zakoneve të vjetra dhe shpesh priren t’i “arratisen” zakoneve të reja, e dushi me ujë të ftohtë është një prej tyre. Sekreti? Uji i ftohtë është kaosi që i duhet trupit dhe mendjes suaj për t’u ndjerë të fortë dhe në super formë.
Ky zakon me dushin ka efekte befasuese në tru: Për çfarë
Përpara se ta ktheni në zakon të përditshëm bëjini këto pyetje vetes:
-Doni të mposhtni frikën?
-Të jeni të qetë para presioneve?
-Të ndiheni të fuqishëm çdo ditë?
-Të ndiheni më të gjallë dhe më të fortë?
Nëse përgjigjja është po, atëherë është koha ta ktheni rubinetin e ujit nga i nxehti tek i ftohti. Imagjinoni ujin e ftohtë që bie me trupin tuaj…Mund të duket si një shpërthim që ju keni frikë ta përjetoni, por ju duhet ta dëgjoni zërin brenda kokës tuaj, ndaj provojeni!
