Artan Hoxha ka folur për sfidën që Sali Berisha po u bën prokurorëve dhe gjykatës, duke mos njohur vendimin për t’u paraqitur para oficerit të policisë gjyqësore.
Hoxha tha se nuk mund të ketë masë më të ashpër për Berishën, për shkak të moshës që ka.
“Ndodhemi në një gjiriz, ose do ta thajmë, ose duhet të derdhim ujë tjetër që të pastrohet. Ne çfarë thamë pak më parë? Nuk akuzuam opozitën, që ka lënë krimin e organizuar të kontrollojë paratë e kumarit në Shqipëri, ia faturuam kryeministrit.
Po opozita? Janë me flakadanë. Rama e bën qëllimisht, e ka lënë opozitën të përplaset me Gardën e Republikës dhe Rama qesh, mban kartonin ngritur. Gjithë energjia e opozitës, kanalizohet te ato karriget atje.
Berisha është marrë nën hetim, ka një masë sigurie dhe nuk e ka respektuar vendimin e Gjykatës. Ligjërisht ka dërguar avokatët që po ndjekin procesin.
Në këtë moment, SPAK-u a duhet ti drejtohet Kuvendit, për të ashpërsuar masën e sigurisë? Patjetër. Pse nuk i drejtohet? Unë dyshoj që, që në fillim SPAK ka marrë masë sigurie pa e dërguar në Kuvend. Berisha po kërkon ta zhvendosë betejën në Kuvend dhe SPAK nuk po ia jep këtë mundësi.
Berisha çdo ditë i merr prokurorët me libër shtëpie, merret çdo ditë me ta. Berisha kërkon që ata ta çojnë çështjen në Kuvend dhe ata nuk ia japin këtë mundësi. Ata bëjnë sikur nuk e shohin që po shkel ligjin.
Ndodhemi para faktit, ose duhet të ketë proces tjetër dhe unë di që ka edhe hetime të tjera. Por, sërish masë më të ashpër nuk mund të ketë për Berishën, së pari për moshën që ai ka.
Sot e pashë si lajm që thirret si dëshmitar Aldo Bumçi dhe Shkëlzen Berisha për Gërdecin, kjo është gjëja më normale. Kjo është shumë pak, thirrja në cilësinë e dëshmitarit. Për Gërdecin ka proces tjetër dhe do t’ja dëgjosh krismën”, tha Hoxha në “Të Paekspozuarit”.
VAZHDO TË LEXOSH MË TEPËR PËR TEMËN
Artan Hoxha i përgjigjet ashpër sulmit të Berishës: I ka duart me gjak
Artan Hoxha tregon fatin e akuzës ndaj Berishës: Do të ndodhë si me Belerin
Artan Hoxha paralajmëron telashe për Sali Berishën: Po luhet lojë e madhe!
