Pas ngjarjes në burgun e Peqinit, ku mbeti i vrarë një prej të dënuarve, thuajse i gjithë zinxhiri komandues i këtij institucioni është ndaluar me urdhër të prokurorisë me akuzën e shpërdorimit të detyrës.
Sipas hetimeve të deritanishme dhe nga marrja në pyetje e autorit, bëhet e ditur se arma e zjarrit është futur në burgun e Peqinit dhe më pas është mbajtur në dhomë nga i dënuari Sokol Mjacaj për rreth 20 ditë.
Valentin Macaj, kreu i Sindikatës së Shërbimeve Policore tha në një intervistë televizive tha se zinxhiri drejtues i burgut të Peqinit dhe forcat operacionale të burgut kanë mundur të vënë nën kontroll situatën shumë shpejt.
Macaj tha se është e pavërtetë që neutralizimi i Mjacajt u bë nga RENEA apo policia e shtetit, por nga vetë drejtori i përgjithshëm i burgjeve dhe drejtori i burgut të Peqinit.
“Për 20 minuta kanë qenë në Peqin gjithë trupat e forcave operacionale, drejtori i burgjeve, që kanë vënë situatën nën kontroll, pastaj është lajmëruar policia. Policia njoftohet vetëm në mbështetje dhe nuk hyn brenda ambienteve të burgut. Ai është neutralizuar, duhet thënë që polici i ajrimit është përleshur me Mjacajn dhe ky i fundit i ka drejtuar edhe pistoletën në kokë, brenda regjimit nuk ka armë asnjë punonjës police. Nuk është tërhequr as punonjësi, as shefi i policisë dhe ka qenë ndërhyja e drejtorit të përgjithshëm të burgjeve që e kanë neutralizuar bashkë me forcat e policisë së burgut”, tha Macaj.
VAZHDO TË LEXOSH MË TEPËR PËR TEMËN
U vetëprangos brenda qelisë, zbulohen detaje si u neutralizua Sokol Mjacaj
Mbi 1 orë kaos, si u ekzekutua Arben Lleshi te dera e qelisë dhe si u neutralizua Sokol Mjacaj
Pse u shkarkuan 4 gjyqtarët që shpëtuan Dritan Dajtin nga burgu i përjetshëm
