23.12.2023 - 22:46
Një aksident rrugor ka ndodhur pak minuta më parë në aksin e autostradës Levan – Tepelenë në afërsi të vendit të quajtur “24 orarëshi” në Poçem.
Burime zyrtare nga policia e Fierit pohojnë se janë përplasur dy automjete, ku si pasojë janë plagosur dy fëmijë të cilët po transportohen në urgjencën e spitalit Rajonal Fier për tu dhënë ndihma e parë mjekësore.
Mësohet nga burime me te fundit se nga përplasja janë plagosur 7 persona, mes të cilëve janë edhe dy fëmijë.
5 prej tyre janë paraqitur në spital deri tani, ndërsa një fëmijë 3-vjeç është më rendë dhe është futur në sallë të operacionit.
Në vendngjarje kanë shkuar forca të policisë rrugore dhe ekspertët për të zbardhur rrethanat e këtij aksidenti.
