Me afrimin e vitit 2024, klima mes Donald Trump dhe Joe Biden po nxehet gjithnjë e më shumë, sidomos në aspektin e politikës së jashtme, e cila edhe pse nuk i ka tronditur asnjëherë shumë votuesit amerikanë, këtë herë duket se ka shumë ndikim, kur bëhet fjalë për një sistem të tërë të ngatërruar me dy konflikte jashtë vendit, luftën në Ukrainë dhe atë në Rripin e Gazës. Ndonëse dita e zgjedhjeve më e shumëpritur në planet është më pak se një vit larg, fushata elektorale ka nisur disa kohë më parë, ndërsa mbi kandidaturën e të dyve mbretëron pasiguria. Megjithatë sulmet ndaj njëri-tjetrit kanë qenë në rend të ditës prej disa kohësh. Duke përfituar nga pushimi i Krishtlindjeve, Trump u kthye në aplikacionin “Truth” për të ngacmuar kundërshtarin e tij. Kështu, duke iu referuar zgjedhjeve të administratës Biden dhe presidentit në detyrë, ai shkruante: “Asnjë nga liderët botërorë, të mirë apo të këqij, nuk janë aq të këqij dhe të sëmurë sa kriminelët që kemi në vendin tonë, të cilët me kufijtë e tyre të hapur, inflacionin, dorëzimin në Afganistan, mashtrimin e ri të gjelbër, taksat e larta, pa pavarësi energjetike, kriza ushtarake, Rusia/Ukraina, Izraeli/Irani, ata po përpiqen të shkatërrojnë Shtetet e Bashkuara të Amerikës. Të kalbet në ferr!”,
Nervozizmi i Trumpit
Nervozizmi me të cilin po përballet Trump javët e fundit i atribuohet jo vetëm sagës së zakonshme të mosmarrëveshjeve të tij gjyqësore (vetëm pak ditë më parë avokati i tij-factotum Rudolph Giuliani kishte shpallur falimentimin), por edhe të gjithë pasigurisë në lidhje me kandidaturën e tij. Javën e kaluar, në fakt, Gjykata e Lartë e Kolorados e përjashtoi ish-presidentin nga zgjedhjet paraprake republikane për rolin e tij si nxitës në sulmin në Capitol Hill më 6 janar 2021. Ky është kandidati i parë presidencial në historinë e SHBA që shpallet i papërshtatshëm sipas Amendamenti i katërmbëdhjetë, i cili ndalon zyrtarët e zyrave publike të përfshirë në “kryengritje ose trazira” kundër qeverisë amerikane. Gjyqtarët pezulluan zbatimin e vendimit të tyre për të përjashtuar Trump nga zgjedhjet paraprake të Kolorados deri më 4 janar, për të lejuar apelimin në Gjykatën e Lartë që të gjithë e konsiderojnë të qartë. Gjykata e Lartë, e cila, ndër të tjera, mund të duhet gjithashtu të marrë së shpejti një vendim tjetër në lidhje me Trump: të përcaktojë nëse si ish-president ai gëzon imunitet, siç pretendojnë avokatët e tij.
Parashikimet
Ndërkohë, grupi primar vazhdon më vete, më 15 janar do të fillojnë grupet parlamentare në Iowa për nominimin republikan, i cili, sipas parashikimeve, mund të çojë në një kurorëzim të ri të Trump. Megjithatë, rruga do të jetë shumë më e vështirë dhe e gjatë për të arritur nominimin: në vitin 2020 demokratëve iu deshën 27 ditë për të përfunduar pjesën e parë të zgjedhjeve paraprake, atë që i paraprin të ashtuquajturës Super të Martës, më 5 mars, kur 14 shtetet do të votojnë së bashku, duke përfshirë pikërisht Koloradon. Këtë vit republikanëve do t’u duhen 40 ditë për të përfunduar procesin. Ekipi i Trump thotë se ata janë të sigurt dhe të bindur se ish-presidenti do të ketë sigurinë matematikore për të pasur nominimin republikan që në mes të marsit. Sipas parashikimeve të ekipit të tij, Super e Marta do t’i japë manjatit 973 delegatët e nevojshëm, ndërsa deri më 19 mars ai do të ketë 1478.
Trazira në SHBA
Një pjesë e medias, si dhe e gjithë skena e majtë politike e Amerikës, janë të kënaqur me strategjinë e re të përballjes me të djathtën MAGA, të padisë Trump në të 50 shtetet amerikane mbi të njëjtën bazë dhe kështu të bëjë rrugën e tij drejt presidencës sa më të vështirë. Kjo taktikë politiko-juridike mbart një rrezik të madh, mund të provokojë spektrin politik të krahut të djathtë në një nivel konfrontimi të paparë. Megjithatë, nëse në një situatë të tillë gjykatat detyrohen të marrin vendime ligjore kufitare, zgjidhja e vetme e situatës mund të jetë lufta civile. Sido që të jetë, viti 2024 do të jetë një vit politik shumë emocionues për amerikanët por edhe për pjesën tjetër të botës.
VAZHDO TË LEXOSH MË TEPËR PËR TEMËN
5 skenarët që mund të përmbysin zgjedhjet presidenciale të 2024
