Zëdhënësi i qeverisë greke, Pavlos Marinakis, ka mbrojtur qëndrimin e Greqisë për rastin e Fredi Belerit, kryebashkiakut të zgjedhur të Himarës, i cili ndodhet në paraburgim që prej majit me akuzën e blerjes së votave.
“Qëndrimi i qeverisë greke nuk ka ndryshuar. Pozicioni është specifik. Ne besojmë se duhet kuptuar plotësisht dhe të respektohen të drejtat e Fredi Belerit, i cili është kryetar i zgjedhur ligjërisht. Për çështjen e betimit duhet të njihet rezultati zgjedhor, si dhe prezumimi i pafajësisë,” tha Marinakis.
Sipas Kathimerimit, qëndrimi i tij erdhi pasi të shtunën u raportua se rivali socialist i Belerit kishte dhënë dorëheqjen pas komenteve të kryeministrit Edi Rama, që vuri në dyshim legjitimitetin e tij.
“Fakti që kemi një deformim absolut, me mosbetimin e kryetarit të zgjedhor ligjor, ndërkohë që në detyrë është një kryebashkiak i rrëzuar me votë, tregon se ky është një paradoks. Nëse ky paradoks hiqet pjesërisht, është diçka që regjistrohet si pozitive,” tha Marinakis.
“Kryeministri Kyriakos Mitsotakis dhe kjo qeveri nuk bëjnë kompromis për çështjet e shtetit ligjor dhe të drejtave të njeriut. Në këtë moment, qëndrimi grek është bërë qëndrim evropian,” tha ai.
VAZHDO TË LEXOSH MË TEPËR PËR TEMËN
Manja: S’besoj se Greqia do bëhet pengesë për integrimin e Shqipërisë
Preç Zogaj: Athina e ka tepruar, po tenton të ndërhyjë brutalisht te drejtësia
Xhufi: Pa u reformuar vetë BE, Shqipëria nuk do të anëtarësohet
