Kur Vladimir Putin del nga “kështjella e rrethuat”, duke thyer imazhin e tij të një lideri graniti dhe të palëvizshëm, diçka e fortë po ndodh ose do të ndodhë.
Ose ka një mesazh urgjent për të dërguar. Vizita e liderit rus në “enklavën e nxehtë” të Kaliningradit, mund të gjykohet me këtë lente: megjithëse Moska e mohon.
Këtë e bën Dmitry Peskov, i cili saktësoi se udhëtimi i tij “ absolutisht nuk është një mesazh i drejtuar vendeve të NATO-s ”.
Ka edhe shumë kuptime të brendshme që vizita e Putinit synon të nxjerrë në pah. Në “vitin më elektoral në histori”, zgjedhjet presidenciale ruse do të jenë një moment i nxehtë, me sytë e gjithë botës të përqendruar te Moska.
Megjithëse rezultati është i dukshëm, Kremlini i frikësohet çdo ngjarjeje të paparashikuar që mund të prishë disi rendin e gjërave, në funksion të rizgjedhjes së Carit.
Në fakt, javët e fundit, opozita ruse duket se po ngre sërish kokën, veçanërisht përballë kandidaturës së pacifisit Boris Nadezhdin: në këtë drejtim Peskov dje deklaroi se Kremlini nuk do ta konsideronte këtë të fundit rival të kreut aktual të shtetit. Nadezhdini, me qëndrime të hapura kundër luftës, njoftoi se kishte mbledhur më shumë se 100 mijë nënshkrime nga 150 mijë që nevojiteshin për të paraqitur kandidaturën e tij: për më tepër, elementë të ndryshëm të opozitës ruse bien dakord për emrin e tij, përfshirë lëvizjen e Aleksei Navalny .
Pra, “Blitz” i vogël në Kaliningrad mund të shërbejë gjithashtu si një mjet për rindërtimin e mitit të liderit të fortë, i cili udhëton nga një skaj i perandorisë së tij në tjetrin, i forcuar nga rezultati fitues i “operacionit special” dhe pa frikë për t’u përballur ballë për ballë me NATO-n.
VAZHDO TË LEXOSH MË TEPËR PËR TEMËN
BE po përgatit një goditje të re për Rusinë
