Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Çfarë vlerash kanë mollët e egra?
Mjeku:Molla e egër evidentohet si dru jo i lartë ose si shkurre.
Fruta e saj është e rrumbullakët, e vogël, me shije të thartë. Gjendet rrallë nëpër pyje e buzë arash. Shërben në shkallë të gjerë si nënshartesë për të shartuar mbi të mollë të buta.
Në mjekësinë popullore përdoren frutat e mollës së egër, të cilat mblidhen pasi piqen dhe marrin ngjyrë të verdhë. Frutat e mollës së egër, përmbajnë acide organike, por me shumicë kanë acid malik.Mollët e egra përdoren si ilaç popullor mjaft efektiv në rastet e diarresë, si dhe kundër acarimeve të fytit duke berë gargarë (shpëlarje e gojës). Edhe lëvorja e degëve përdoret me rezultate të mira kundër etheve. Rezultate shumë të mira mollët e tharta kanë dhënë kundër sëmundjes së sheqerit.
Molla e eger përmban keto vitamina: karotin, B1, B6 , C.
Eshte e pasur me minerale si hekuri, zingu, kalciumi.
Përzirja e uthullës së mollës së egër me mialtë dhe ujë të (vakët) është shumë efikase për pastrimin e organizmit, ndikon në humbjen e kilogramëve të tepërt (funksionon mirë në të gjitha dietat), zvoglimin e kolesterolit si dhe ndihmon shumë në uljen e shtypjes së gjakut apo tensionit të lartë.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
