Tarifat e reja për pajisjen me leje drejtimi kanë hyrë në fuqi sot (5 shkurt) dhe kjo ka bërë që Shoqata e Autoshkollave në Elbasan të ngrihet në protestë.
Ata bojkotuan punën, ndërsa kreu i shoqatës, Alim Lulaj e ka cilësuar tinëzare vendimin e ministrisë së linjës për të rritur tarifat, pa u konsultur me grupet e interesit.
Ai thekson se këtë tarife shtesë prej 15 mijë lekësh të reja, do ta paguajnë qytetarët dhe jo autoshkollat, por kjo do të sjellë një boshatisje të tyre.
Taksimi i profesioneve të lira, përfshirë dhe autoshkollat duke filluar nga 1 janari ishte një tjetër pikë e kundërshtuar nga autoshkollat në Elbasan. Drejtues të tyre u shprehën se këto masa po i çojnë drejt falimentit.
Në Elbasan operojnë rreth 33 autoshkolla të cilët kanë të njëjtin shqetësim. Drejtuesit e tyre paralajmëruan sot se nëse nuk merren parasysh kërkesat e tyre ata do ta përshkallëzojnë protestën.
VAZHDO TË LEXOSH MË TEPËR PËR TEMËN
