Analisti Mentor Nazarko thotë se mesazhi që Gazment Bardhi mori nga Departamenti amerikan i Shtetit (DASH), në takimin e që disa deputetë të mazhorancës dhe opozitës zhvilluan me Gabriel Escobar, është ai i normalitetit.
Në emisionin “Real Story” në ABC News, Nazarko u shpreh se këtë të hënë në Kuvend, Bardhi nuk i qëndroi kësaj linje, por u soll në mënyrë agresive.
Ndërsa, për kryetarin e Partisë Republikane, Fatmir Mediu, ajo që ndodhi në Kuvend ishte e turpshme për shkak të gardës, pasi nuk u lejuan të futeshin në sallë edhe deputetë të cilët nuk ishin të përjashtuar.
Mentor Nazarko: Një mesazh i fortë që ka ardhur nga Amerika është mesazhi i bashkëpunimit në normalitet. Fotoja që ka dashur Escobar ka dashur të nxjerrë nga takimi i DASH, është funksionimi normal i politikës shqiptare. Ai thotë, në kontekstin e krizave ndërkombëtare, asaj që pritet të prekë Ballkanin, ju duhet të jeni bashkë, qeveria duhet të jetë stabile. Mesazhi që Bardhi ka marrë, është i normalitetit, që ai e ka shkelmuar. Ardhja e tij, sjellja e tij në parlament, nuk ishte në këtë linjë. Sot ishte agresiv.
Fatmir Mediu: Sot ka qenë një situatë e prapranueshme deri në ekstrem. Unë nuk kam qenë i përjashtuar, kam komunikuar me drejtues të Kuvendit, ne u futëm në momentin e fundit të seancës. Nuk na lejonte garda që të futeshim brenda.
Mentor Nazarko: Ju nuk keni tentuar të hyni nga dritatrja.
Fatmir Mediu: Tentova të hyja nga dera. Shumica e deputetëve që ishin për të hyrë brenda, nuk ishin të përjashtuarit. Veprimet e përjashtimit ishte absurde. Nëse ke marrë një veprim karshi deputetëve, ekzekutimi i këtij vendimi është i yti.
Mentor Nazarko: T’i prekësh oficerët e gardave.
Fatir Mediu: Është e turpshme kjo që po ndodh në Kuvendin e Shqipërisë. Unë dua të hyj në sallën e Kuvendit.
Mentor Nazarko: Unë di që ti je i arsyeshëm.
VAZHDO TË LEXOSH MË TEPËR PËR TEMËN
Nazarko: Mesazhet që ka marrë Bardhi në SHBA
Nazarko: Vajtja e Bardhit te ballkoni i Berishës, produkt dëshpërimi
