Kryeministrja e Serbisë, Ana Brnabiç, përsëriti sot se Beogradi zyrtar është i gatshëm të vazhdojë dialogun sapo të hiqen taksat 100 për qind mbi importet e mallrave nga Serbia dhe Bosnja e Hercegovina, e cila është vendosur nga Prishtina.
Ajo gjatë një takimi me ambasadorin e Belgjikës, Kunar Adam në Beograd, theksoi se arritja e një zgjidhjeje kompromisi është e nevojshme për ruajtjen e përhershme të paqes dhe stabilitetit rajonal.
Brnabiç e falënderoi Belgjikën për mbështetjen në procesin e pranimit të Serbisë në Bashkimin Evropian dhe theksoi se anëtarësimi i plotë mbetet synim strategjik i palës serbe.
Ajo shprehu shpresën se procesi i negociatave për anëtarësim do të përshpejtohet në periudhën e ardhshme dhe se përpjekjet e reformës së Serbisë do të vlerësohen në mënyrë adekuate. /Konica.al/
VAZHDO TË LEXOSH MË TEPËR PËR TEMËN
‘Uniteti i garanton fitoren e Kosovës në dialog’
Kosovë/ Mbahet takimi i radhës për dialog
