Ministri spanjoll i Punëve të Jashtme, Josè Manuel Albares, siguroi se Madridi do të vazhdojë të mbështesë Agjencinë e Kombeve të Bashkuara për Refugjatët Palestinez (UNRWA).
“Ne nuk do ta ndryshojmë bashkëpunimin tonë me UNRWA, është një organizatë e domosdoshme,” tha Albares, pavarësisht nga provat e sjella nga Izraeli mbi bashkëpunimin midis punonjësve palestinezë të agjencisë dhe Hamasit.
“Spanja do të ndajë 3.5 milionë euro në mënyrë që UNRWA të mund të mbajë aktivitetet e saj në afat të shkurtër”, tha ministri i Jashtëm spanjoll Jose Manuel Albares në një komision parlamentar.
“Situata e UNRWA-së është e dëshpëruar dhe ekziston një rrezik serioz që aktivitetet e saj humanitare të paralizohen në Gaza brenda disa javësh,” tha ministri.
Shefi i politikës së jashtme të Bashkimit Evropian Josep Borrell tha të dielën se fondet totale të pezulluara aktualisht arrijnë në “më shumë se 440 milionë dollarë amerikanë, ose rreth gjysma e fondeve të pritshme të agjencisë për vitin 2024”.
Ndërkohë, Sekretari i Përgjithshëm i Kombeve të Bashkuara, Antonio Guterres, është duke ndërmarrë veprime dhe, në konsultim me Komisionerin e Përgjithshëm të UNRWA-s, Philippe Lazzarini, ka caktuar një grup të pavarur shqyrtimi për të vlerësuar nëse Agjencia po bën gjithçka në fuqinë e saj për të garantuar neutralitetin dhe për t’iu përgjigjur pretendimeve për shkelje të rënda nëse ato ndodhin.
Shqyrtimi do të drejtohet nga Catherine Colonna, ish-ministre e jashtme franceze.
“Akuzat kundër UNRWA-s”, parashtroi socialisti portugez, “vinin në një kohë kur agjencia më e madhe e OKB-së në rajon po punon në kushte jashtëzakonisht të vështira për të ofruar ndihmë për dy milionë banorë”.
VAZHDO TË LEXOSH MË TEPËR PËR TEMËN
Si Biden po përpiqet t’i “arratiset” konflikteve
Si bashkëpunoi OKB me terroristët për sulmin e 7 tetorit
