Rezoluta e Parlamentit Evropian, e cila dje kërkoi një hetim ndërkombëtar për parregullsitë në zgjedhjet parlamentare dhe lokale në Serbi në fund të vitit të kaluar, ngjalli reagime të ndryshme në vend, nga optimizmi dhe kënaqësia e opozitës deri te zemërimi i pushtetarëve dhe qortime drejtuar Brukselit.
Në rezolutën e miratuar me 461 vota pro, 53 kundër dhe 43 abstenime, përveç vënies në pah për parregullsitë dhe abuzimet në zgjedhjet e dhjetorit 2023, eurodeputetët kërkuan edhe pezullimin e financimit për Serbinë, “nëse rezulton se autoritetet në Beograd janë të përfshira drejtpërdrejt në mashtrimin e votuesve”. Kryetarja e Partisë Liri dhe Drejtësi dhe kryetare e listës zgjedhore të Serbisë kundër dhunës (SPN), Marinika Tepiç, e quajti miratimin e rezolutës së PE një “mesazh pozitiv” që i ndihmon qytetarët e Serbisë dhe institucionet e saj të jenë optimistë se zgjedhjet e ardhshme do të jenë “të lira dhe të ndershme”.
“Rezoluta e kufizon Aleksandër Vuçiçin nga institucionet e shtetit, të cilat ai i shpërfytyroi dhe i bëri ata bashkëpunëtorë në vjedhjen e zgjedhjeve”, u tha Tepiç gazetarëve në Strasburg pas miratimit të rezolutës. Presidenti i Partisë Demokratike në opozitë, anëtar i koalicionit SPN, Zoran Lutovac sheh në rezolutë “një rëndësi të madhe simbolike” dhe “gatishmërinë e BE, për t’i dhënë fund praktikës së mbështetjes së stabilizimit”, me mbështetje të padyshimtë për “proceset demokratike në Serbisë”.
Në të njëjtën kohë, kryetarja e Qeverisë së Serbisë, Ana Brnabiç, nuk i kushtoi ndonjë rëndësi të veçantë rezolutës, ndërsa akuzoi opozitën për shembje të sovranitetit të vendit të tyre.
VAZHDO TË LEXOSH MË TEPËR PËR TEMËN
