Ishin një nga simbolet e modës së viteve 1950, një pjesë e paharrueshme e gardërobës së atyre viteve, të dashura edhe nga ikonat si Brigitte Bardot, Grace Kelly, Jackie Kennedy, etj.
Pantallonat ikonike treçerekëshe, Capri, të cilat kanë një gjatësi deri poshtë gjurit ose mesi i pulpës, pritet që të rikthehen fuqishëm këtë sezon.
I kemi parë ato më parë tek Sarah Jessica Parker në xhirimet e “And Just Like That “. Më pas këtë verë edhe Alexa Chung, mbretëresha e stilit casual-chic, postoi në Instagram një look të përbërë nga pantallona kapri me printe kafshësh, një këmishë të bardhë dhe balerinat që i bënë sytë të lëshonin zemra.
Ky stil kërkon një vëmendje të veçantë për t’i kombinuar. Është e rëndësishme t’i kombinoni me aksesorët e duhur për të përmirësuar më së miri dukjen e tyre.
