Ish-prokurorja Elisabeta Imeraj, ka folur lidhur me krimin që tronditi vendin ku tre fëmijët në Durrës vranë dhe groposën të atin Pëllumb Meta.
Ajo tha se motivi i vërtetë i vrasjes së 50-vjeçarit është vështirë për t’u zbardhur. Sipas saj, e vetmja mënyrë që kjo ngjarje të zbardhet në mënyrë të plotë, është që njëri nga anëtarët e familjes të ndërgjegjësohet dhe të marrë përsipër pasojat e ardhura të këtyre veprimeve makabre.
“Ajo e prezantuar nga familjare si largim nga banesa nuk qëndronte. Familjarët nuk kishin tentuar ta kërkojnë, mungesa e dëshirës së tyre për të komunikuar me të. Rasti në fjalë është rast i përsëritur që burojnë nga dhuna në familje, por akoma më tragjike nuk e bën ngjarjen vetëm pasoja, por qëndrimi që mbajnë tre fëmijët e familjes, të cilët në unitet me njëri-tjetrin.
Personat që kanë dijeni për ngjarjen janë ata. Referuar një deklarimi publik që ka bërë edhe bashkëshortja është në unitet të plotë. Edhe vajza e martuar ka dhënë të njëjtën deklaratë. Ajo që është më lënduese në këtë situatë është qasja që kanë ndaj babait të vdekur.
Në raste të tilla është shumë i vështirë të zbardhet motivi. Vajza ishte me shkollë të lartë. Pra, nuk bëhet fjalë për individë që ishin të izoluar. E vetmja mënyrë që kjo ngjarje mund të zbardhet në mënyrë të plotë, është që njëri nga anëtarët e familjes të ndërgjegjësohet dhe të marrë përsipër pasojat e ardhura si pasojë e këtyre veprimeve makabre”, tha ajo.
VAZHDO TË LEXOSH MË TEPËR PËR TEMËN
Si u zbulua vrasja e babait nga fëmijët në Durrës!
Zbardhet dëshmia e Blerina Metës: Pëllumbi vuante nga probleme të shëndetit mendor
Vajza refuzoi fejesën me shkesi, detajet nga krimi në Durrës
