Drejtuesi i Lëvizjes “Shqipëria Bëhet”, Adriatik Lapaj nuk e ka përjashtuar si mundësi protestat, megjithatë ai paralajmëron se në rast se do të thërrasë qytetarët në protestë, nuk do t’i ngjajë protestave të bëra deri më tani nga opozita. I ftuar në një emision televiziv, Lapaj i shpreh i bindur në pjesëmarrje masive.
“Kur të dalim në shesh nuk do kthehemi më, nuk bëjmë nga këto, bëj një vizitë aty, po dolëm nuk kthehemi pas, nuk i shoh njerëzit si thasë çimento, njerëzit janë identitete, njerëzit kanë vlera”, u shpreh ai.
Duke u ndalur të zhvillimet aktuale, ndonëse tha se nuk i ka ndjekur me kërshëri, u shpreh se opozita ka qenë në të drejtën e saj për kërkesat e parashtruara dhe tërheqja e mazhorancës dhe ulja në tryezën e diskutimeve “i bën nder”.
“S’merrem fare me këta, më krijojnë bezdi në komunikim, në mënyrën e komunikimit, nuk e kemi më këta garën, e kemi me veten, për të qenë me ide të mira dhe për të qenë njerëz që nuk biem pre e veseve. Kjo opozitë ka pasur të drejtë, fakti që mazhoranca është tërhequr i bën nder”, u shpreh Lapaj.
Bashkimi Bardhi-Berisha? Lapaj e përkufizoi më një fjali.
“Bashkimi Bardhi-Rithemelimi, nuk më thotë gjë fare, nuk bëj opozitë opozitës, por qeverisë”, përfundoi ai.
VAZHDO TË LEXOSH MË TEPËR PËR TEMËN
Adriatik Lapaj bën premtim publik dhe fton qytetarët t’i bashkohen te ‘Shqipëria Bëhet’!
Kreu i “Shqipëria bëhet”, Adriatik Lapaj mesazh qytetarëve: Mos më lini vetëm
Adriatik Lapaj: Ja kur do të marrim pjesë në zgjedhje
