Lufta në Gaza, pse Kina kërkon të bëjë ndërmjetësen

Duket paradoksale, por Kina e Xi Jinping dëshiron të veprojë si një ndërmjetëse paqeje.Ajo është bërë gjithnjë e më e zëshme në kundërshtimin e saj ndaj luftës në Gaza.Dhe gjithashtu e ka përdorur konfliktin si një platformë për të demonstruar solidaritetin e saj me botën arabe dhe jugun global, gjithmonë të gatshëm për t’u treguar në kundërshtim me Shtetet e Bashkuara. Edhe pse nuk është e qartë se sa hapësirë ??ka gjigandi aziatik për të luajtur një rol të fortë në rajon. Kështu e konsideron“CNN” takimin në Katar mes një diplomati kinez dhe liderit politik të Hamasit, Ismail Haniyeh. Është hera e parë që nga fillimi i konfliktit në Gaza që Pekini konfirmon një takim kokë më kokë të këtij lloji. Protagonist me liderin politik të Hamasit ishte Wang Kejian, një diplomat kinez që kishte qenë tashmë në Izrael dhe Bregun Perëndimor, misioni i parë i këtij lloji nga një i dërguar nga Pekini për të cilin kemi dëgjuar që nga sulmi i 7 tetorit në Izrael dhe fillimi i operacioneve ushtarake izraelite në enklavën palestineze. Haniyeh dhe Wang, ish-ambasador në Liban, “patën një shkëmbim pikëpamjesh mbi konfliktin në Gaza dhe çështje të tjera”, tha Ministria e Jashtme në Pekin. I pranishëm në takim, ambasadori kinez në Katar, Cao Xiaolin, thekson “CNN”, duke nënvizuar sesi Hamasi pretendon se ka pasur një takim me Cao muajin e kaluar. Gjatë takimit ballë për ballë me Wang, grupi tha se Haniyeh shprehu vlerësimin për “rolin e Kinës në Këshillin e Sigurimit, brenda Kombeve të Bashkuara dhe në Gjykatën Ndërkombëtare të Drejtësisë”. Haniyeh këmbënguli në “nevojën për të ndaluar shpejt agresionin dhe masakrat”, në kërkesën për tërheqjen e forcave izraelite nga Gaza.