Ish-kryeministri Sali Berisha, nga dritarja e banesës së tij, ka bërë thirrje për protestë të premten, para Bashkisë së Tiranës.
Berisha është shprehur se e premtja do të jetë ditë historike e nisjes së revolës dhe mosbindjes civile të shqiptarëve.
“Miqtë e mi, dita e premte është një ditë historike sepse dita e premte nis revolta, mosbindja civile e shqiptarëve gjer në fitore.
Për të shpëtuar nga kjo bandë hajdutësh, trafikantësh, faqezinjsh që s’i ka toka.
Miq, mbarë shqiptarët presin nga qytetarët e Tiranës çlirimin e bashkisë së tyre, shpëtimin e bashkisë së tyre, fillimin e revoltës që do çojë në përmbysjen e këtij regjimi çnjerëzor, kafshëror.
E këtij regjimi që instaloi narkoshtetin.
E këtij regjimi që vjedh 100 përqind fondet pa i lëvizur qerpiku.
Po kush është atëherë gjykatësi? Kush është prokurori?
Gjykatës dhe prokuror është qytetari.
Është qytetari, është qytetari, është qytetari!
Erion, kudo që të strukesh, kudo që të futesh, qytetarët do të gjejnë ty.
Ndaj dhe jep dorëheqjen se poshtërsitë që ke bërë ti ndaj qytetarëve, poshtërimi që i ke bërë ti qytetit, fëlligështinë që ti ke hedhur në shtëpinë e parë të qytetarëve të Tiranës, nuk e ka bërë kush kurrë.
Mos harroni miqtë e mi se ky, çfarë t’i thuash, po ky na u bë dhëndër, na u martu me paratë e vjedhura të taksapaguesve. I dha vëllait të vet tenderin për të bërë dasmën e tij.
Ky nuk njeh kufi, nuk njeh moral, nuk njeh të ndalur.
Miqtë e mi, qytetarë dhe qytetare, a jeni ju shpresa e vetme e Shqipërisë apo Damanët dhe Krajat me kompani?
Ju jeni shpresa e vetme e Shqipërisë, çlironi bashkinë e Tiranës se ata janë mburoja e Erion Veliajt, janë streha e fundit e Edi Ramës dhe Erion Veliajt”, tha Berisha.
VAZHDO TË LEXOSH MË TEPËR PËR TEMËN
“U bëj thirrje pensionistëve, ngrihuni për vete dhe për nipërit“
Berisha nga ballkoni: Më këto ritme Shqipëria brenda katër viteve do të jetë…
