Kryebashkiaku i Maliqit Gëzim Topçiu në një intervistë për “Mirëmëngjesi Shqipëri” ka rrëfyer mbi punën e tij në krye të kësaj bashkie prej 7 mandatesh, projektet, marrëdhënien me qytetarët, projektet dhe zgjedhjet e ardhshme lokale.
Në lidhje me këtë të fundit, Topçiu deklaroi se ka ardhur momenti që Bashkia e Maliqit të drejtohet nga një kryetar i ri, me vizion më të gjerë.
“Kam arritur në një pikë ku jap imazhin se çdo gjë duhet të ketë lezetin e vet. Ka ardhur momenti që këtë punë duhet ta bëjë dikush tjetër. Një kryetar më i ri, me vizion më të gjerë që patjetër do ketë mbështetjen time. Disa gjëra duhet të ecin në rrjedhën e kohës. Jam gati të mbështes një figurë të re”, tha Topçiu.
Duke u ndalur te projektet, Kryebashkiaku bëri me dije se po punohet për ndërtimin e një Muzeu të Palafiteteve. Po ashtu, ai theksoi se rehabilitimi i rrugës nacionale që lidh Maliqin me Gramshin, do jetë një nga grykat më të bukura që do ketë Shqipëria.
Në gjithë këto vite, në mandatin e 7 mendoni se keni dhënë gjithçka?
Nuk arrihet asnjëherë gjithçka. Nuk ka çelës se përse kjo ka zgjatur në kohë. Puna, respekti dhe marrëdhënia njerëzore me qytetarët për t’iu shërbyer atyre larg bindjeve politike.
Në momentin që qytetarëve u shërben, atëherë ata janë të mirëkuptueshëm larg bindjeve politike.
Si ka qenë Gëzimi në moshën 33-vjeç? Mendoi se do kishte një rrugë kaq të gjatë?
Kam hyrë në një mandat 6-7 mujor i cili ka qenë një emërim pasi ish-kryetari ka shkuar në emigracion. Ato 6-7muaj punova me idenë për të bërë diçka për qytetin. ato 6 muaj ishin ndryshim i madh se u bë një punë aq e madhe sa nuk ishin bërë për gjithë vitet.
Patjetër që ka probleme. Vizioni që unë kam mund të mos përputhet me vizionin e komunitetit, por shumica e ka pranuar dhe ne kemi ecur.
Pse duhet vizituar Maliqi?
Jo vetëm si qytet, por edhe si territor, është bashki e njerëzve punëtor. Fusha e Maliqit është më e madhe se ajo e Myzeqesë. Fusha e Maliqit është si qilim falë njerëzve punëtor. Fusha e Maliqit nuk përmbytet më.
Fillon nga bujqësia. Bashkia jonë, e ka bujqësinë dhe blegtorinë të parën. Jo pse asaj i mungojnë pikat turistike, ato që janë monumente natyre. Maliqi është vend zbulimi më i hershëm ilir i palafiteve. Ne po punojmë me idenë për të ndërtuar edhe një Muze të Palafiteteve, edhe për tharjen e kënetës për ta sjellë në histori.
Atë që është zbuluar dhe është unike në llojin e vet, duam ta përjetësojmë në Muzeun Kombëtar të Palafiteve, të tharjes së kënetës.
Bukuritë e veçanta që ka zona e Gorës dhe Oparit. Falë investimit që qeveria po bën për rehabilitimin e rrugës nacionale që lidh Maliqin me Gramshin, ajo do jetë një nga grykat më të bukura që do ketë Shqipëria.
Marrëdhënia me z.Rama si është?
Kryeministri Rama në konceptin tim, vlerëson njerëzit punëtor. Kjo mund të jetë ajo që vlerëson më shumë te unë. Ajo që duhet të kuptoni, akt ë bëjë se dhe sot punoj si ditën e parë.
Ja kthen ndonjëherë llafin?
Në momente që diçka nuk shkon, po patjetër., Ndonjëherë ndodh që transfertat, grantet, investimet nuk marrin atë peshën e duhur. Çdo kryetar bashkie do që të marrë sa më shumë investime për komunitetin e vet. është çështje e debatimit më të mirë të fjalës për ta arritur atë që ne kërkojmë.
Këto ndryshime që janë bërë, kanë edhe peshën e Kryeministrit, i cili me vizionin e tij ka ndryshuar trotuaret, fasadat, vilat karakteristike që kanë marrë ndriçim tjetër.
Ky qytet ka marrë dritë.
Për çfarë ka më shumë nevojë Maliqi?
Maliqi deri para pak kohësh flitej se kishte probleme me punësimi. Por sot nuk është më ky problem.
Duhet bashkëpunim mes nesh, biznesit e qytetarëve.
Nëse bëjmë një retrospektivë, je i kënaqur me punën në Maliq?
Asnjëherë nuk kënaqet njeriu. Nuk kemi qenë kaq të aftë për të bërë punë të mira. Kemi pasur mungesë stafesh, fondesh, Tashmë ka ardhur koha që atë që realizojmë t’i rezistojë kohës. Vizioni i qeverisë ka ecur shumë de ka ardhur kohë të vijnë njerëz më të ditur, drejtues e stafet teknike. Me ndryshimet që do ketë në paga, them se do fillojnë të seleksionohen duke marrë edhe elementë të veçantë që do japin vizionet e tyre.
Bulevardi në Maliq, është stil i veçantë. Si dhe nga kush erdhi në këtë lloj forme?
Ka disa rregullime gjatë zbatimit të projektit, por ajo që ka patur të mirë numri i mandateve, ka qenë që të mos lejoj që të ndërtohet pa leje.
Duam të kthejmë lulishtet që kanë këto vila, në lulishte me të mbjella më uniforme, në zona më kreative. Po punojmë për këtë projekt. Nëse do ishte abuzuar me ndërtime nuk do kishte këtë pamje.
Me ndryshimin e reformës territoriale, keni mundësi të kandidoni sërish…
Kam arritur në një pikë ku jap imazhinin se çdo gjë duhet të ketë lezetin e vet. Ka ardhur momenti që këtë punë duhet ta bëjë dikush tjetër. Një kryetar më i ri, me vizion më të gjerë që patjetër do ketë mbështetjen time. Disa gjëra duhet të ecin në rrjedhën e kohës. Jam gati të mbështes një figurë të re.
VAZHDO TË LEXOSH MË TEPËR PËR TEMËN
