Nevoja për të bërë më shumë investime, për të pasur likuiditetin, dhe për të blerë shtëpi, i ka çuar qytetarët dhe bizneset më shpesh në dyert e bankave, duke u shtuar peshën e borxheve.
Vetëm në tre muajit e parë të këtij viti bankat kanë dhënë kredi me vlerë mbi 82.8 miliardë lekë (814 mln euro) ose afro 19 miliardë lekë (187 mln euro) më shumë se në të njëjtën periudhë të vitit të kaluar.
Për këtë periudhë vihet re rritje e peshës së kredisë në lekë, në raport me valutën, e ndikuar nga interesat më të favorshme dhe nga luhatjet në kursin e këmbimit. Sipas përllogaritjeve afro 62% e kredisë së disbursuar nga bankat në këtë tremujor ishte në lekë, pjesa tjetër në euro e më pas në dollarë.
Në këto muaj të parë të vitit vlera më e madhe e kredisë ka shkuar për sektorin i tregtisë me shumicë dhe pakicë, riparimin e automjeteve, ndjekur nga ndërtimi, energjia elektrike, industria përpunuese dhe aktiviteti i pasurive të paluajtshme. Në tremujorin e parë të vitit, vihet re dyfishim i kredisë së dhënë për tregun e pasurive të paluajtshme, dhe rritje e fortë e huave për sektorin e ndërtimit.
Gjatë këtij tremujori kushtet e financimit për bizneset nuk ndryshuan, ndërsa për individët u shtrënguan thotë Banka e Shqipërisë. Edhe për tremujorin e dytë të vitit, kushtet pritet të jenë të njëjta, ndërsa kërkesa për kredi do të shtohet e përqendruar kryesisht tek nevoja e bizneseve për të bërë investime, ndërsa tek qytetarët shtysë është kredia hipotekore, për të blerë banesë.
KREDIA E RE PËR EKONOMINË
Janar-Mars 2023 63,775 mld lekë
Janar-Mars 2024 82,801 mld lekë
Rritja +19,026 mld lekë
KREDIA E MARRË SIPAS MONEDHËS
Në lekë 51,640 mld lekë
Në euro 30,267 mld lekë
Në USD 764 mln lekë
KREDIA SIPAS SEKTORËVE
Industria përpunuese 4364 5654
Ndërtimi 7791 12178
Tregtia me shumicë 13.773 15519
Akomodimi ushqimor 1.749 2724
Pasuri të paluajtshme 1436 3093
VAZHDO TË LEXOSH MË TEPËR PËR TEMËN
‘Brez dhe Rrugë’ do të vazhdojë të testojë Perëndimin!
‘Retë e zeza’ mbi sektorin e pronave në Europë
A është kjo një ‘dekadë e humbur’ për ekonominë?
