VIP-at na sugjerojnë që të shtojmë këtë model syzesh në koleksion

Syzet më in të momentit kanë skelet të zi dhe xhama të verdhë. Të aprovuara nga Rihanna, Kendall Jenner, Dakota Johhnson dhe pasarelat më të famshme në botë, pritet që gjithë verën çdo veshje të kombinohet me këto syze.

Nuk ka shumë rëndësi çfarë veshje keni zgjedhur, apo eventin ku do shkoni, rëndësi ka të dukesh bukur dhe syzet me xhama të verdhë plotësojnë pamjen më së miri.

Ky trend është ngushtësisht i lidhur me një faktor estetik, por ka edhe nga ata që e justifikojnë përdorimin e këtyre syzeve me faktin se të ndihmojnë në shmangien e reflekseve të caktuara që krijohen kur i jep makinës natën.

Detaj ky që është i vërtetë, por nuk lidhet me ngjyrën e xhamave, aq sa lidhet me cilësinë e tyre.