02.01.2019 - 15:27
Viti i ri e ka zënë me fluks doganën e Kapshticës. Si gjithmonë, pas përfundimit të festave të fundvitit në vendlindjen e tyre, emigrantët shqiptarë po përballen me pritjen dhe radhët e gjata në doganën e Kapshticës për të kaluar në tokën greke.
Kjo nuk është hera e parë dhe me të ftohtin e sivjetshëm vjen si më e zgjatur në kalvarin e gjatë të makinave që presin të kalojnë në tokën greke.
Raportohet se ka radhë të gjata të makinave që presin në të ftohtë në dalje të Shqipërisë.
Shqiptarët, pas pushimeve të vitit të ri me njerëzit e afërm, duan të kthehen sa më shpejt në punët e tyre për të mos humbur asnjë ditë.
