Opozita e krahut të djathtë të Maqedonisë së Veriut arriti një fitore dërrmuese në zgjedhjet parlamentare dhe presidenciale të mërkurën, një natë në të cilën vendi ballkanik zgjodhi gjithashtu kreun e parë femër të shtetit.
Qindra mbështetës të gëzuar të partisë opozitare VMRO-DPMNE u mblodhën para selisë së partisë së tyre në qendër të Shkupit, duke valëvitur flamujt kombëtarë dhe partiakë dhe duke kërcyer. “Njerëz të dashur të Maqedonisë së Veriut… ne ia dolëm. Maqedonia fitoi.
Kjo është një fitore historike e popullit,” i tha turmës kreu i VMRO-DPMNE, Hristijan Mickoski. Rezultatet e komisionit zgjedhor treguan se VMRO-DPMNE fitoi 42 për qind të votave pas numërimit të 72 për qind të votave në zgjedhjet parlamentare, krahasuar me 14 për qind për socialdemokratët në pushtet (SDSM), duke e detyruar liderin e SDSM-së Dimitar Kovaçevski të pranojë humbjen.
“Rezultati është zhgënjyes”, tha Kovaçevski në një konferencë shtypi. Në raundin e dytë të votimit për rolin më ceremonial të presidentit, Gordana Siljanovska-Davkova, profesoreshë universitare e mbështetur nga VMRO-DPMNE, mundi Pendarovskin, presidentin aktual që mbështeti LSDM-në.
Siljanovska-Davkova mori 65 për qind të votave, ndërsa Pendarovski 29 për qind, pas numërimit të më shumë se 87 për qind të votave. Profesoresha 70-vjeçare ka qenë aktive në akademi, e specializuar në të drejtën kushtetuese dhe është e njohur për perspektivat e saj kritike për çështjet kushtetuese në Maqedoninë e Veriut.
Opozita ndoshta do të duhet të krijojë koalicione me partnerë më të vegjël, për të fituar një shumicë në parlament, për të cilën priten diskutime në ditët në vijim.
VAZHDO TË LEXOSH MË TEPËR PËR TEMËN
