Gazetarja Anila Hoxha ka zbuluar të tjera detaje nga ngjarja e rëndë që ndodhi disa ditë më parë në Shkodër, ku 39-vjeçarja Alma Arrazi u mbyt në lumin Buna bashkë me tre fëmijët e saj të mitur. Dyshohet se 39-vjeçarja e mori vendimin ekstrem, pasi kishte parë burrin e saj me një partnere tjetër. E ftuar në një emision televiziv, gazetarja u shpreh se prej një muaji Alma dhe Erdgys Arrazi nuk shkonin mirë, dhe ndërsa ajo ishte larguar së fundmi nga shtëpia, Erdgysi ia kishte djegur të gjitha rrobat.
Sipas gazetares Hoxha, Erdgysi kishte fshirë nga telefoni të gjitha komunikimet që kishte patur me Almën gjatë muajit të fundit. Ky i fundit, sa herë që dilte nga banesa, i bënte “bllok” në rrjetet sociale dhe telefon Alma Arrazit që të mos e shqetësonte. Gazetarja Anila Hoxha tha gjithashtu se Erdgysi i dërgoi një mesazh kunatës ku i shkruante pse nuk i tregoi se Alma e kishte parë me të dashurën.
“Erdgysi ka djegur rrobat e Almës pasi ajo ishte larguar nga shtëpia, kjo është provuar edhe nga prokuroria. Erdgysi, sa herë dilte nga banesa i bënte bllok Almës, që të mos e shqetësonte. Erdgysi i dërgoi një mesazh kunatës ku i thoshte “pse nuk më tregove që më kishte parë”. Nuk është pyetur vetëm kunata në prokurori, por edhe babai, motra dhe vëllai i Almës.
Erdgysi ka fshirë nga telefoni të gjitha bisedat me Almën që kishte kryer prej 1 muaji. Alma magjithatë shpresonte se do ia dilte të ruante familjen. Për sa kohë ajo ka shpresuar dhe e ka falur, ka vazhduar të qëndrojë deri sa e ka parë me të dashurën. Alma kishte lidhje të fortë me kunatën, ajo është e tronditur. Ka kamera të tjera të sekuestruara, që i kanë kaluar prokurorisë. Janë dy biznese të tjera ku është bërë kërkesë që të administroheshin kamerat e sigurisë”, u shpreh gazetarja Hoxha.
VAZHDO TË LEXOSH MË TEPËR PËR TEMËN
Dorë për dore, momentet e fundit të Alma Arrazit me 3 fëmijët e saj!
Balla kërkon ndihmën e Malit të Zi për gjetjen e trupave të nënës dhe dy fëmijëve
