Kryeministrja e Italisë, Giorgia Meloni ka mbërritur në Shqipëri, ku ka zbritur në aeroportin e Rinasit. Meloni është pritur në aeroport nga zv.kyeministrja Belinda Balluku.
Sipas agjendës Meloni ka shkuar direkt në Lezhë, ku ka nisur vizitën në kampet e emigrantëve në Gjadër dhe më pas në Shëngjin.
Në Gjadër, Meloni eshte pritur nga homologu i saj, Edi Rama.
Gjatë vizitës në Shqipëri Meloni shoqërohet nga Ministri i Brendshëm i cili është përgjegjës për menaxhimin e flukseve emigratore.
Me qëllim mbarëvajtjen e vizitës zyrtare të Melonit në Shqipëri, Policia dhe Garda kanë hartuar një plan masash. Në disa akse të vendit do të ketë kufizim të qarkullimit të mjeteve.
Italia ra dakord me Shqipërinë ku nënshkroi edhe një marrëveshje për të ngritur një qendër në Gjadër dhe një tjetër në qytetin bregdetar të Shëngjinit për të pritur emigrantët që do të shpëtohen në det nga anijet italiane dhe do të sillen në Shqipëri deri në përpunimin e kërkesave të tyre për azil.
VAZHDO TË LEXOSH MË TEPËR PËR TEMËN
