Shefi i NATO-s, Jens Stoltenberg i tha rrjetit prestigjoz britanik, BBC, se Kina duhet të përballet me pasoja për mbështetjen e luftës së Rusisë në Ukrainë, nëse ajo nuk ndryshon mënyrat e saj. Jens Stoltenberg tha se Pekini mbështet përpjekjet luftarake të Rusisë, ndërsa në të njëjtën kohë përpiqet të ruajë marrëdhëniet me aleatët e saj evropianë. “Kjo nuk mund të funksionojë në afat të gjatë”, tha Stoltenberg për median britanike BBC News. Ai iu referua gjithashtu armëve bërthamore dhe kostove të mbrojtjes. Në një samit të paqes të mbajtur këtë fundjavë në Zvicër, dhjetëra vende u zotuan të mbështesin Kievin, por Rusia e quajti atë humbje kohe dhe tha se do të pajtohej me bisedimet e paqes vetëm nëse Ukraina dorëzohej. I pyetur se çfarë mund të bëjnë anëtarët e NATO-s për shkak të mbështetjes së Kinës për Rusinë, Stoltenberg tha se diskutimet rreth sanksioneve të mundshme janë duke u zhvilluar. “Kina ndan shumë teknologji, siç është mikroelektronika, e cila është thelbësore për Rusinë për të prodhuar raketa, armët që përdor kundër Ukrainës. Në një fazë, ne duhet të konsiderojmë një lloj çmimi ekonomik nëse Kina nuk ndryshon sjelljen e saj”, tha Stoltenberg. Pekini është tashmë nën disa sanksione për shkak të mbështetjes së tij për Rusinë. Muajin e kaluar, SHBA njoftoi kufizime që do të synonin rreth dy duzina kompani me bazë në Hong Kong dhe Kinë. Kina ka mbrojtur marrëdhëniet e saj me Moskën, duke argumentuar, se ajo nuk shet armë vdekjeprurëse dhe se ajo trajton eksportet e “artikujve me përdorim të dyfishtë” me maturi, të gjitha në përputhje me ligjet dhe rregulloret. Stoltenberg vizitoi Uashingtonin, pasi Kremlini konfirmoi se Vladimir Putin do të udhëtonte në Korenë e Veriut.
VAZHDO TË LEXOSH MË TEPËR PËR TEMËN
‘Die Welt’ alarm për konflikt të ri në Ballkan: BE e ka lënë pas dore
