Politika e presidentit serb Aleksandër Vuçiç, e cila përfshin balancimin midis Lindjes dhe Perëndimit, uljes në dy, dhe disa do të thoshin në katër karrige, “po godet një mur”. Mendimi i bashkëbiseduesve të medias serbe “Nova.rs” është se pas ngjarjeve të fundit, karrigia në Moskë mund të jetë e para që do “të bjerë”.Balancimi. Midis Rusisë, Amerikës, Bashkimit Evropian dhe Kinës. Shkurt, “thuaju atyre çfarë duan të dëgjojnë dhe siguroji se jeni një partner besnik”. Kjo fjali pasqyron politikën e jashtme që presidenti Vuçiç ka bërë në emër të Serbisë prej vitesh.Megjithatë, situata e fundit me shitjen e armëve serbe në Ukrainë mund të jetë lehtësisht shkas për prishjen e marrëdhënieve “vëllazërore” serbo-ruse. Për këtë është i bindur Sreçko Gjukiç, ish-diplomat dhe ish-ambasador serb në Bjellorusi. Ai në një prononcim për gazetën “Nova” thotë se mesa duket njëra prej karrigeve ku Vuçiç është ulur së shpejti do të bjerë.
Fundi i politikës me dy karrige
“Politika e Vuçiçit është fitimprurëse, është një politikë që sjell para, atij i intereson vetëm ajo politikë. Në këtë kontekst, ai sheh se nuk do të marrë asgjë nga Rusia. Gazi paguhet me çmime evropiane, eksportet tona në Rusi janë ndalur praktikisht. Shpenzimet janë të mëdha, transporti kërkon shumë kohë… Praktikisht e humbëm atë treg. Nga ana tjetër, eksportet e armëve në Serbi sjellin fitime të mëdha, kjo nuk i shkon aspak Rusisë dhe epilogu është se karrigia në Moskë lëkundet. Duket se ajo do të bjerë e para”, thotë Gjukiç. Analisti i politikës së jashtme, Boshko Jakshiç, tha për “Nova.rs” se prej vitesh përflitet se Vuçiç nuk do të mund të ulet në dy ose katër karrige për shumë kohë. “Kjo taktikë e tij balancuese çoi në faktin se atij nuk i besohet as në Lindje, as në Perëndim. Përshtypja ime është se marrëdhënia e ardhshme nuk varet aq shumë nga ai, por nga partnerët e tij dhe sa të gatshëm janë ata për të toleruar të gjitha”, thotë Jakshiç. Megjithatë, situata aktuale, pavarësisht humbjes së besimit, funksionon në duart e Vuçiçit. Se sa kohë do të vazhdojë kështu, kjo nuk dihet. “Perëndimi nuk dëshiron t’ia lërë Serbinë Rusisë. Moska, nga ana tjetër, nuk dëshiron të heqë dorë nga një aleat i rrallë në Ballkanin Perëndimor”, përfundon Jakshiç.
“Krisja” e marrëdhënieve
Siç mësoi “Nova.rs” nga kreu i qeverisë biseda mes Grushkos dhe presidentit të Serbisë, Aleksandër Vuçiç nuk ka shkuar mirë. Problemi u ngrit për eksportin e armëve serbe në Ukrainë. I ftuari nga Rusia nuk e pranoi argumentin se Serbia nuk ka ndikim se ku do të përfundojnë armët e saj pas shitjes së tyre. Grushkos nuk i ka pëlqyer as fakti që vizita e tij në Beograd ka shkuar pa mbulim adekuat mediatik, gjë që Beogradi zyrtar e ka shpjeguar me faktin se ishin nën presion të madh nga Perëndimi. Si justifikim shërbeu vizita e fundit e delegacionit ukrainas, të kryesuar nga bashkëshortja e presidentit të Ukrainës, Olena Zelenskyi, e cila gjithashtu u pasqyrua me modesti në media. Gazetës serbe iu tha gjithashtu se marrëdhëniet mes Moskës dhe Beogradit janë mjaft të acaruara dhe se edhe Vladimir Putin refuzoi një bisedë telefonike me Vuçiçin.Këtë e mohoi presidenti i Serbisë në një konferencë të jashtëzakonshme për media, duke thënë se mund të flasë me kolegun rus kur të dojë.
Balancimi i Vuçiç
Sakaq, Serbia është kandidate për anëtarësim në Bashkimin Evropian dhe që nga viti 2019 nuk ka hapur asnjë kapitull. Një nga arsyet është se ne nuk ishte dakord me politikën e jashtme të BE-së dhe vendosëm sanksione ndaj Rusisë për shkak të luftës në Ukrainë. Presidenti i Serbisë thotë se kurrë nuk do ta njohë Kosovën, dhe nga ana tjetër pranoi gjithçka që Perëndimi kërkoi nga. “Dorëzuam ushtrinë, policinë, gjyqësorin… Kosova mori kodin e shtetit, dinari u hoq në Kosovë, kryetarët e komunave në veri janë shqiptarë, dhe me marrëveshjen në Ohër pranuam hyrjen e Kosovës për të gjitha organizatat ndërkombëtare”, shkruan “Nova.rs”. “Ne mbrojmë bashkëpunimin dhe miqësinë e mirë me Amerikën dhe në të njëjtën kohë kultivojmë marrëdhënie vëllazërore me Kinën dhe presidentin kinez Xi Jinping”, përmbyll gazeta serbe.
