Ish-shefi i Shërbimeve Sekrete dhe diplomati i njohur, Irakli Koçollari, thotë se Fredi Beleri ka qenë agjent grek.
Duke folur në një program televiziv, ai e lidh këtë me profesionin e Fredi Belerit, hidraulikut që u tha se shkoi në Qipro për të mësuar zanatin.
“Kur dëgjova në këtë kohë njëri nga ata që ishte kandidat dhe tani shkoi u bë anëtar i Parlamentit Europian. Në kohën kur kanë ndodhur këto ngjarje, ai ka qenë duke bërë një kurs hidrauliku në Qipro. E dini çfarë më kujtoi kjo?
Në këtë kohë nuk ka budallenj. Në periudhën e Luftës së ftohtë 1947-60 kur këto vende dërgonin grupe agjentësh në Shqipëri dhe kjo është e provuar, agjentët që ata mblidhnin dhe i trajtonin, për të justifikuar mungesën e tyre në lagje apo opinion gjatë kohës që trajnoheshin, thonin “ka shkuar për një kurs për hidraulik apo për marangoz në Qipro ose në Maltë”. Çuditërisht të njëjtën gjë dëgjova edhe në këtë rast. Një hall i madh e ka zënë kryeministrin grek që shkon te një i dënuar për fyerje të simboleve kombëtare të një vendi fqinj, kryeministri grek ka një hall të madh”, thotë Koçollari.
VAZHDO TË LEXOSH MË TEPËR PËR TEMËN
Beleri eurodeputet/ Minxhozi: Greqisë do i bënte punë më shumë në burg
“Qëllimi im është të mbroj të drejtat e minoritetit në Shqipëri”
