Në fjalën e tij në Asamblenë e PS, kryeministri Edi Rama foli për rritjen e pensioneve, që sipas tij është një sfidë e madhe.
Kreu i PS deklaroi se pensionistët më shumë se kushdo tjetër vlerësojnë punën e qeverisë, prandaj edhe e votojnë gjithmonë.
“Disa thonë se për të rritur pensionet si kullat në Tiranë, mjafton të vinë ata në pushtet që të ndalojnë kullat dhe të ngrenë pensionet. Nëse do ishte kështu në do ishim gati tua dorëzonim detyrën menjëherë pa na u bërë vonë jo për kullat, por as për pushtetin. Por pensionet janë pjesë më sfiduese e transformimit ekonomik që ne po sjellim. Pensionistët e vlerësojnë punën tonë, prandaj na kanë votuar. Këta të diplomave të Kristalit, i konsiderojnë pensionistët si një turmë që shkon qorrazi pas PS. Por pensionistët këtyre i japin jo ujë me bisht të lugës, por i japin lugën që kur ata të venë në shtëpi të kuptojnë që e kanë bosh.
Javën e dytë të muajit të ardhshëm ne jo vetëm do të ndajmë me pensionistët një pasqyrë të rritjes së pensioneve, por do të fillojmë edhe informimin mbi zbatimin e një plani kombëtar për garantimin e sigurimeve shoqërore. Ky plan do të synojë pikërisht përfshirjen e pensionistëve në ndarjen e të ardhurave të rritjes ekonomike” u shpreh kryeministri.
Një mesazh kishte edhe për bizneset qe nuk i deklarojnë punonjësit sipas pagës, reale. Keta -tha Rama- do ti trajtojme si hajdutet e energjise elektrike.
“Që sot mund të them troç një gjë. Rritja e të ardhurve nga shteti për pensionistët nuk mund të jetë domethënëse nuk nuk i jap të gjithë si shtet, si qeveri, si shoqëri dhe si sipërmarrje një goditje domethënëse fenomenit të fshehjes së pagave reale, që si pasojë godasin të ardhurat për sigurimet shoqërore dhe vjedhin cka u takon pensionistëve.
Ne do të bëjmë me kuotat e sigurimeve shoqërore atë që bëmë me faturat e energjisë. Ata që nuk paguajnë sigurimet sipas pagës reale do ti trajtojmë hajdutët e energjisë elektrike”, tha Rama.
VAZHDO TË LEXOSH MË TEPËR PËR TEMËN
