Pas një periudhe të gjatë prej 10 vjetësh, Shqipëria është në prag të një reforme të thellë në sistemin e ve, e cila do të shpallet javën e dytë të muajit të ardhshëm. Ky ndryshim do të prekë në mënyrë të drejtpërdrejtë miliona pensionistë në vend, duke sjellë ndryshime të rëndësishme në indeksimin e ve, kompensimet për fshatra dhe qytete, dhe kriteret e vjetërsisë në punë. Një nga elementët kryesorë të reformës është dyfishimi i bonusit për pensionistët, një masë që synon të përmirësojë ndjeshëm cilësinë e jetës për ata që janë më në nevojë.
Pensionet
Lajmin e mirë e ka ndarë dje në Asamblenë e Partisë Socialiste, kryeministri Edi Rama. Ky i fundit, i cili është njëherësh kryetari i Partisë Socialiste, Edi Rama deklaroi dje se, lufta ndaj informalitetit do të ngrihet në një nivel të ri, në emër të pensionistëve dhe për pensionistët. Në fjalën e tij në Asamblenë Kombëtare të PS-së në Durrës, Rama u shpreh se, “për pensionistët, kemi bërë sa kemi mundur, asnjëherë sa kemi dashur dhe të paktën nuk na ka gënjyer kurrë mendja se kemi bërë sa duhet”. Rama shtoi se, “ata janë pjesa më sfiduese e transformimit ekonomik që ne po sjellim. Pensionistët dinë ta çmojnë më mirë sesa kushdo tjetër punën tonë për Shqipërinë, prandaj edhe na kanë votuar besnikërisht në shumicë në të gjitha betejat tona zgjedhore”. Kryeministri u shpreh se, “rritja e të ardhurave nga shteti për pensionistët në vitet në vijim nuk mund të jetë domethënëse nëse nuk i japim të gjithë bashkë, si shtet, si qeveri, si shoqëri e posaçërisht si sipërmarrje një goditje domethënëse fenomenit të neveritshëm të fshehjes së pagave reale, të cilat për pasojë godasin në mënyre të drejtpërdrejtë të ardhurat për sigurimet shoqërore dhe vjedhin çka u takon pensionistëve”. Kjo do të thotë, u shpreh Rama, “që ne do të bëjmë me kuotat e sigurimeve shoqërore atë që bëmë me faturat e energjisë elektrike dhe ata që nuk u paguajnë punonjësve sigurimet shoqërore sipas pagës së tyre reale do t’i trajtojmë njësoj si hajdutët e energjisë elektrike”. “Jemi sot vendi me taksat dhe me sigurimet shoqërore dhe shëndetësore më të ulëtat në rajon. Nuk ka asnjë vend në Ballkanin Perëndimor se nuk po shkoj në Evropë se është e kotë t’i hysh krahasimeve, ku biznesi i vogël të ketë zero tatim fitimi dhe zero tvsh. Nuk ka asnjë vend në rajonin tonë që tvsh-në e turizmit ta ketë 6% dhe pagat e deklaruara në industrinë e turizmit t’i ketë shpeshherë më shumë se gjysma e pagave reale. Nuk ka asnjë vend në rajon me të ardhurat që kemi ne nga sektori i ndërtimit në raport me PBB-në dhe pagat e deklaruara të sektorit të ndërtimit t’i ketë kaq më të ulëta sesa ne krahasuar me pagat reale”, tha Rama.
Lufta ndaj informalitetit
Kryeministri u shpreh se, ky fenomen shtrihet pak a shumë në të gjithë sektorin privat dhe ka ardhur koha që lufta ndaj tij të ngrihet në një nivel të ri, jo në emër të informalitetit, por në emër të pensionistëve, për pensionistët. “Këtu nuk flitet për të rritur taksa, sepse ne do ta mbajmë zero taksën e biznesit të vogël deri në vitin 2029, ashtu siç e kemi premtuar disa vite më parë, por nga ana tjetër do të shtrëngojmë ndjeshëm rrethin e bizneseve që bëjnë më shumë sesa 140 mijë euro xhiro në vit dhe kamuflohen si biznes i vogël duke fshehur të ardhurat reale dhe bashkë me fshehjen e të ardhurave reale duke mbajtur atë që duhet të shkojë në xhepin e pensionistëve”, tha Rama. “Ndërkohë biznesi i madh duhet ta ketë shumë të qartë se nëse nuk do rritje të tatimit mbi fitimin të nominuar për pensionistët, duhet të paguajë kokërr më kokërr çdo qindarkë që u takon pensionistëve dhe të sëmurëve natyrisht”, u shpreh Rama. “Ndërsa vetë pensionistët duhet ta dinë dhe do ta shohin konkretisht në angazhimin dhe në veprimet tona se nga njëra anë lufta frontale kundër informalitetit të pagave për punonjësit e sektorit privat do të jetë e gjithanshme dhe nga ana tjetër ne do të fillojmë ta rrisim bonusin për ta qysh këtë fundvit”, tha Rama.
VAZHDO TË LEXOSH MË TEPËR PËR TEMËN
