09.01.2019 - 09:07
Dëbora gjate natës ka mbuluar të gjithë zonat malore si dhe qytetin e Tiranes e Elbasanit. Dëbora në qytetin e Elbasanit ka filluar që në orën 03:00 të mëngjesit të kësaj të mërkure.
Trashësia e saj në qendër të qytetit ka arritur të paktën 2 cm në orën 06.30 të ditës së sotme.
Ndërkohë që në zonat malore të Qarkut të Elbasanit dëbora ka filluar që në orët e para të mbrëmjes së martë.
Aktualisht për shkak të dëborës janë krijuar vështirësi në qarkullim edhe në rrugën kombëtare Elbasan-Librazhd-Prrenjas-Qafë-Thanë dhe në të gjitha akset rurale.
ARRSH bën me dije se Qafa Thana duhet të kalohet vetëm me zinxhirë.
Ndonëse në Elbasan dëbora ka qëndruar deri në orët e para të mëngjesit, në kryeqytet nuk ka qëndruar gjatë dhe ka shkrirë brenda natës.
