Presidenti i Serbisë, Aleksandër Vuçiç, në ditën e tragjedisë së madhe në Novi Sad, kërkoi nga Prokuroria e Lartë Publike dhe Qeveria e Serbisë që personat përgjegjës për atë që ndodhi të ndiqen penalisht dhe të dënohen rëndë. Krahas përgjegjësisë penale ka deklaruar se kërkon edhe përgjegjësi politike. Për disa ditë nuk pati asnjë indikacion se dikush nga Qeveria e Serbisë ishtge gati të jepte dorëheqje, dhe sipas bashkëbiseduesve të “Danas”, dorëheqjet do të duhej të nisnin nga vetë presidenti i Serbisë, sepse pushteti absolut ka përgjegjësi absolute. Bazuar në përvojën e mëparshme, mediat serbe ishin të bindura se dikush do të sakrifikohej në emër të të gjithëve, por që sigurisht nuk do të jetë e mjaftueshme, as adekuate dhe as e drejtë. Dhe kjo nuk vonoi aspak. Presidenti serb bëri “kurban” një nga ministrat më të fuqishëm.
Dorëheqja e Vesiç
Ministri i Ndërtimit, Transportit dhe Infrastrukturës Goran Vesiç ka njoftuar dje se po jep dorëheqje nga ajo pozitë. “Nesër në mëngjes edhe zyrtarisht do të jap dorëheqje nga pozita e ministrit të Ndërtimit, Transportit dhe Infrastrukturës”, tha Vesiç dje në një konferencë të jashtëzakonshme për media. “Po dorëzoj dorëheqjen si person përgjegjës, i vetëdijshëm se kjo tragjedi nuk duhej të ndodhte”, tha ministri në largim. Goran Vesiç ka deklaruar se ia ka ofruar dorëheqjen kryeministrit të Serbisë, Millosh Vuçeviç, ndërsa synimin ia ka bërë të ditur edhe Presidentes së Republikës. Goran Vesiç deklaroi se “gjatë gjithë këtyre ditëve ka pësuar ofendime dhe sulme nga ata që përpiqen të keqpërdorin çdo tragjedi”. “I durova ofendimet e atyre që qeshnin sepse po gëlltitja gjithçka dhe mezi shqiptoja fjalë në stacionin hekurudhor në Novi Sad sepse para kësaj pashë trupat e njerëzve që ishin tërhequr zvarrë”, tha ai. Vesiç u bëri thirrje autoriteteve që sa më shpejt të përcaktojnë se kush është përgjegjës për aksidentin në Novi Sad, “që nga investitorët, kontraktorët, projektuesit apo mbikëqyrësit nuk e kanë kryer punën e tyre”.
“Kurbani” i parë
Dorëheqja e Vesiçit pasoi shembjen e tendës në Stacionin Hekurudhor në Novi Sad të premten më 1 nëntor, kur sipas informacioneve zyrtare vdiqën 14 persona, mes tyre edhe fëmijë. Që nga ajo ditë qytetarët kanë kërkuar përgjegjësinë e pushtetit dhe si kërkesë në protestën e së dielës kanë deklaruar dorëheqjen e menjëhershme të Goran Vesiçit. Bashkëbiseduesit e Danas-it, në përgjigje të pyetjes së Danas-it nëse regjimi mund t’i shmanget përgjegjësisë politike dhe “të mos e zvogëlojë” vlerësimin e tij siç ndodhi pas vrasjeve masive në maj 2023, u përgjigjën se tragjedia e Novi Sadit është e pakrahasueshme, duke qenë se nuk ka dilema se kush është fajtori. Sipas tyre, këtu ka një prezencë të qartë, jo vetëm të përgjegjësisë morale dhe politike, por edhe kriminale, dhe të mbajtësit të pushtetit. “Prandaj, do të jetë shumë më e vështirë për autoritetet që t’i shmangen përgjegjësisë, por që ajo përgjegjësi realisht të ndodhë, së pari duhet të bjerë regjimi autoritar i Aleksandar Vuçiqit” thotë Dragan Popoviç, drejtor i Qendrës për Politikë Praktike.
Rreziqet për Vuçiçin
Përmendja e Vuçiçit të përgjegjësisë kriminale dhe politike për Biljana Gjorgjeviç, një deputete e ZLF-së, është një version i ri i menaxhimit të krizave. “Një vit e gjysmë më parë, pas dy masakrave, menaxhmenti i krizës duhej të privatizonte tragjedinë, për të cilën janë përgjegjës vetëm familjet e vrasësve dhe jo sistemi që dështoi për ta. Tani është shumë më e vështirë, sepse nuk mund të fshihen gjurmët e drejtpërdrejta të autoriteteve, pavarësisht nga rrëfimi i përgatitur shpejt mediatik se bëhet fjalë për tendinën e vjetër të stacionit të rinovuar, thotë Gjorgjeviq dhe kujton deklaratat e autoriteteve se tenda, nuk është rinovuar, se nuk dihet pse, se investitori kinez nuk ka dorëzuar kontratën për rikonstruksionin e objektit, por edhe se Instituti për Mbrojtjen e Monumenteve gjoja ka penguar rindërtimin e tendës.
VAZHDO TË LEXOSH MË TEPËR PËR TEMËN
