Një ditë pas arrestimit të gjyqtarit të Fierit, Roland Hysi, ditën e sotme do të mblidhet Këshilli i Lartë i Gjyqësorit që pritet të pezullojë gjyqtarin e akuzuar për ryshfet.
Kujtojmë se gjyqtari Hysi u arrestua pas publikimit të denoncimit ndaj tij, ku ai shfaqej në një video teksa merrte ryshfet dhe i kërkonte favore seksuale një gruaje, që ishte në proces gjyqësor për kujdestarinë e vajzës.
Pas skandalit të publikuar në emisionin “STOP” ,policia ka vënë në pranga 50 vjeçarin dhe psikologen, e cila luante rolin e sekseres.
Ndaj dy të arrestuarve rëndojnë akuzat e “Korrupsionit pasiv të gjyqtarëve prokurorëve dhe funksionarëve të tjerë të organeve të drejtesisë” dhe “Ushtrimit të ndikimit të paligjishëm të personave që ushtrojnë funksione publike”.
Në videopërgjim, gruaja, denoncuese tregon gjithë kalvarin që i është dashur të përballojë, duke blerë me euro fëmijën e saj. Gjyqtari i Fierit Roland Hysi i kërkon seks për t’i dhënë kujdestarinë e fëmijës. Po kështu zonja i jep psikologes 500 euro për Hysin, duke i premtuar edhe 500 euro të tjera në mbyllje të gjyqit.
