Është zbardhur dinamika e ngjarjes së rëndë sot në Tiranë, ku pas një sherri mes nxënësve, ka humbur jetën një 14-vjeçar.
Mësohet se vktima dhe i plagosuri janë nxënës të shkollës 9-vjecare “Fan Noli”, ndërsa të tjerët janë nxënës të një shkolle tjetër.
Kanë pritur sapo kanë mbaruar mësimin dy nxënësit e shkollës “Fan Noli” dhe më pas i kanë sulmuar në një rrugicë rreth 150 metra larg shkollës.
Ngjarja, sipas kqyrjes së kamerave që ka bërë policia ka ndodhur në 1 minutë e 30 sekonda.
Viktima dhe i plagosuri nuk ishin nxënës problematikë në shkollën “Fan Noli”.
Viktima është goditur 6 herë me thikë dhe i plagosuri 2 herë. I plagosuri ndodhet në gjendje stabël te Trauma.
Njoftimi i policisë për ngjarjen:
Më datë 18.11.2024, rreth orës 13:10, në rrugën “Qema Stafa”, rreth 200-300 metra larg shkollës “Fan Noli” janë konfliktuar 3 shtetas të moshës 14 vjeç.
Si pasojë e dëmtimeve të marra gjatë konfliktit, ka ndërruar jetë njëri prej tyre ndërsa tjetri ndodhet në spital, në kujdesin e mjekëve.
Është shoqëruar njëri nga autorët e dyshuar, ndërsa grupi hetimor po vijon punën për sqarimin e rrethanave të konfliktit.
VAZHDO TË LEXOSH MË TEPËR PËR TEMËN
