Kënga ikonike “Last Christmas” nga grupi britanik Wham! mbush 40 vjet në vitin 2024, duke qenë një nga këngët më të dashura dhe të njohura të periudhës festive. Lansuar më 3 dhjetor 1984, ajo u bë një klasik i menjëhershëm dhe vazhdon të mbetet një simbol i Krishtlindjes për miliona njerëz në mbarë botën.
Fakte interesante rreth këngës:
1. Kënga u shkrua nga George Michael dhe u regjistrua gjatë verës së vitit 1984. Është një kombinim perfekt i një melodie të ëmbël me tekstin melankolik të një zemre të thyer.
2. Sipas bashkëpunëtorit të George Michael, Andrew Ridgeley, ideja për këngën lindi gjatë verës së vitit 1984 në shtëpinë e prindërve të George Michael. George, papritur, nisi të improvizonte melodinë dhe tekstin në një tastierë të vogël.
3. Kënga u regjistrua në gusht 1984, në një studio të Londrës. George Michael u mor me çdo detaj të produksionit, përfshirë programimin e baterisë dhe linjën ikonike të tastierës që e bën këngën të dallueshme.
4. Edhe pse nuk arriti vendin e parë në renditjen britanike për shkak të konkurrencës së këngës “Do They Know It’s Christmas?” të Band Aid, “Last Christmas” u bë një nga këngët më të shitura në historinë e muzikës pa arritur majën e top listës.
5. Kënga ka shitur mbi 10 milionë kopje globalisht.
6. Videoklipi u filmua në një resort dimëror në Zvicër dhe tregon një histori dashurie në sfondin e një mbledhjeje festive mes miqsh.
7. Në vitin 2021, “Last Christmas” arriti për herë të parë në vendin e parë në renditjen britanike, plot 37 vjet pas publikimit të saj.
8. Kënga ka frymëzuar filma, versione të shumta cover-a nga artistë të ndryshëm dhe është përdorur në reklama e emisione televizive.
9. Melodia nostalgjike dhe teksti i ndjerë krijojnë një lidhje emocionale me dëgjuesit. Pavarësisht tematikës së një zemre të thyer, ajo përçon edhe një ndjenjë shprese dhe ngrohtësie që përshtatet me frymën e Krishtlindjeve.
VAZHDO TË LEXOSH MË TEPËR PËR TEMËN
