Kryeministri Edi Rama është shprehur se vrasja e 14-vjeçarit Martin Cani nga bashkëmoshatari i tij, Mario Përlleshaj, u kthye në një sebep që shoqëria të futej në përleshje se kush e ka fajin.
Rama u shpreh se u kthye në një farsë, ndërsa theksoi se nuk mund të parandalohen dhe shmangen të gjitha ngjarjet që fatkeqësisht ndodhin.
Kreu i qeverisë deklaroi se me planin e ri për paketën e sigurisë në shkolla do të kemi një sistem arsimor akoma më të mirë e më të sigurtë.
Edi Rama: U bë shkak një tragjedi që të vihej në lëvizje një shoqëri e tërë dhe një tërësi komunitetesh shkollore. Qasja ndaj një ngjarje ka zgjedhje të ndryshme, ka një farsë, ka edhe një marrje përgjegjësie. Si gjithnjë këtu në vendin tonë, edhe në këtë rast farsa nuk mungoi me të gjithë atë forcë destruktive që në fakt rivret të vrarët, riplagos të plagosurit dhe nuk lejon që reflektimi e nxjerrja e mësimeve të zhvillohet në mënyrë gjithëpërfshirëse. Është e rëndësishme të kuptohet që qeveria, shteti janë struktura në zhvillim, në përmirësim dhe në vetëkorrigjim të vazhdueshëm.
Edhe në këtë ngjarje tragjike ka dy Shqipëri, një në Parlament dhe një në komunitet, prindërit e prekur drejtpërdrejt se kanë fëmijët në shkolla.
Nuk mund të parandalohet dhe shmangen të gjitha ngjarjet që fatkeqësisht ndodhin. Ajo që i dallon qasjet ndaj tyre, qoftë komunitar apo qeveritar, është si reagojmë ndaj tyre. A bëhet ngjarja një arsye e fortë që pastaj si rrjedhojë ajo sferë e veprimtarisë shoqërore të bëhet më e mirë, apo ngjarja të bëhet një sebep që shoqëria e tërë të futet në një përleshje se kush e ka fajin. Këto të dyja na ndajnë ne edhe në këtë aspekt, ndihem i lehtësuar që në një periudhë të shkurtër, pas një diskutimi me faktorët e lidhur me këtë sferë të edukimit të fëmijëve, kemi një produkt konkret dhe masa. Kemi sigurisë që duke zbatuar këtë plan do të kemi një sistem arsimor akoma më të mirë e më të sigurtë
VAZHDO TË LEXOSH MË TEPËR PËR TEMËN
Del nga spitali 14-vjeçari Luis Meçja
Fotolajm/ Hidhet bojë e kuqe mbi fëmijët dhe në rrugë
Fundi tragjik i dashurisë mes Sami Frashërit dhe Mari Karyan!
